ئەمەریكا هێزەكانی لە بەغداوە بۆ هەرێمی كوردستان دەگوازێتەوە کوردستانی

نوچە نێت

هێزەکانی ئەمەریکا بنکەکانیان لە عێراق بەجێدەهێڵن و لە مانگی داهاتوو لە سێ بنکەى سەرەکى ئەمەریکا لە عێراق، دەکشێنەوە ڕوو لە هەرێمی کوردستان دەکەن.

ڕۆژی یەکشەممە (17/ئاب/2025) ماڵپەڕی (میهر) بڵاویکردەوە، هێزەکانی هاوپەیمانیی نێودەوڵەتی بە سەرکردایەتی ئەمەریکا لە بنکەی عەین ئەسەد، فڕۆکەخانەی بەغدا و فەرماندەیی ئۆپەراسیۆنە هاوبەشەکان لە عێراق دەکشێنەوە.

لەلایەکی ترەوە کەناڵی ئەلجەزیرە لە سەرچاوەیەکی حکومەتی عێراقەوە ڕایگەیاندووە، هێزەکانی هاوپەیمانیی نێودەوڵەتی بە سەرکردایەتیی ئەمەریکا لە بنکەکانیان لە عێراق دەکشێنەوە هێزەکان و کەرەستە سەربازییەکانی ئەمەریکا لە بنکەی عەین ئەسەد لە عێراق گواستراونەتەوە، كە کەرەستەکان سیستەمی هەستیاری وەک رادار لە خۆدەگرێت.

بە گوێرەی زانیارییەکان کشانەوەکە لە مانگی ئەیلولی داهاتوو دەستپێدەکات لەگەڵ جێبەجێکردنی ڕێککەوتنی نێوان بەغدا و واشنتۆن.

 

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین