هێزە ئەمنییەکاى سلێمانى گەمارۆى ماڵى د. بەرهەم ساڵح و مەلا بەختیار و لاهور شێخ جەنگى دەدەن کوردستانی

نوچەنێت

هێزە ئەمنییەکانى سلێمانى دەورى ماڵى هەریەک لە مەلا بەختیار، بەرپرسى پێشووی دەستەى کارگێڕى مەکتەبی سیاسى یەکێتى نیشتمانیى کوردستان، د.بەرهەم ساڵح، جێگرى سکرتێرى پێشووى یەکێتى و لاهور شێخ جەنگى، سەرۆکى بەرەى گەلیان گرتووە.

ئێوارەى ئەمرۆ (21/ئاب/ 2025) ماڵپەڕى (بەغدا تودەى) بڵاوى كردەوە، هێزە ئەمنییەکان لە سلێمانى گەمارۆى ماڵى هەیەک لە د. بەرهەم ساڵح و مەلا بەختیار و لاهور شێخ جەنگیان داوە.

ماڵپەڕەکە بڵاوى کردۆتەوە، سەرجەم خاڵە سنوورییەکانى سلێمانى داخراون، فەرمانى دەستگیرکردن بۆ لاهور شێخ جەنگیش دەرچوە.

ماڵپەڕەکە ئەوەشى بڵاوکردۆتەوە، کە لەدواى داخستنى سەرجەم بازگەکانى پشکنین جووڵەیەکى نا ئاسایی لە سلێمانى هەیە، سەرچاوەیەک  لە پۆلیسى سلێمانى بە رووداوى راگەیاندووە، ئێمە ئاگادارى ئەو فەرمانە نین.

ماڵپەڕەکە ئەوەشى نووسیووە، سەرەجەم بازگە و رێگەکانى سلێمانى داخراون، هێزە ئەمنییەکانى سلێمانى چەند کەسایەتى و بەرپرسێکى پێشووى ناو یەکێتى نیشتیمانى کوردستان دەستگیر دەکەن.

ماڵپەڕەکە ئەوەشى نووسیووە، ئەو رووداوانە لەدواى دەستگیرکردنى، شاسوار عەبدولواحید، سەرۆکى جووڵانەوەى نوێ دێت، لە چەند رۆژى رابردوو دەستگیرکرا، ئەمرۆش برایە بەردەم دادگا، بەڵام دادگاى سلێمانى دانیشتنەکەى بۆ (2025/8/28) دواخست.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین