سهرۆك نێچیرڤان بارزانى لهیادى ئهنفالى بادیناندا: جهخت له چارهسهركردنى كێشهكان و پێكهوهژیانى ئاشتییانه دهكهینهوه
نوچە نێت
ئەمڕۆ دووشەممە (25/ئاب/2025) سەرۆك نێچیرڤان بارزانی سەرۆكی هەرێمی كوردستان لە ساڵیادی (37) ساڵەی ئەنفالی بادیناندا ڕایگەیاند، "ئهنفالى بادینان تاوانێكى دیكهى زنجیره تاوانهكانى دهسهڵاتدارانى ئهوساى عێراق بوو دهرههق به گهلى كوردستان كه لە 25ى ئاب تا 6ى ئهیلوولى 1988 له دوا قۆناغى ئهنفالدا، خهڵكى سڤیل و خاك و ههوا و ژینگه و سروشتى بادینانى گرتهوه."
دەقی پەیامی سەرۆك نێچیرڤان بارزانی سەرۆكی هەرێمی كوردستان لە ساڵیادی ئەنفالی بادیناندا:
له یادى (37) ساڵهى ئهنفالى بادیناندا، به ڕێزهوه ههموو شههیدانى بادینان و كوردستان بهگشتى بهبیر دههێنینهوه. لهم یادهدا كه ئهمڕۆ ژمارهیهك ڕووفاتى شههیدانى ئهو تاوانكارییه له دهڤهرى بهرى گاره، دواى ڕێكاره یاسایى و پزیشكییهكان له ڕێوڕهسمێكدا به خاك دهسپێردرێن، ستهملێكراویى گهلێك نیشان دهدهن.
ئهنفالى بادینان تاوانێكى دیكهى زنجیره تاوانهكانى دهسهڵاتدارانى ئهوساى عێراق بوو دهرههق به گهلى كوردستان كه لە 25ى ئاب تا 6ى ئهیلوولى 1988 له دوا قۆناغى ئهنفالدا، خهڵكى سڤیل و خاك و ههوا و ژینگه و سروشتى بادینانى گرتهوه.
لهم یادهدا داواكاریمان له حكوومهتى فیدراڵى عێراق دووپات دهكهینهوه بۆ قهرهبووكردنهوهى قوربانییانى ئهنفالى بادینان و ههموو قوربانییانی تاوانهكانى ڕژێمى پێشووى عێراق. دادگاى باڵاى تاوانهكانى عێراق ئهنفالى به جینۆساید و تاوانى جهنگ و تاوانى دژى مرۆڤایهتى ناساندووه، بۆیه مافى قوربانییانه به ههموو شێوهیهك قهرهبوو بكرێنهوه.
ڕابردوى تاڵى عێراق، جگه له ماڵوێرانى هیچى ترى بۆ عێراق و عێراقییهكان نههێنا، ئهنفال و ههموو ئهو تاوانانهى له ڕابردوودا بهرامبهر به گهلى كوردستان كراون، دهبێ ببنه وانه و پهندیان لێ وهربگیرێت و ببنه هۆى مسۆگهركردنى مافهكانى گهلى كوردستان به ههموو پێكهاتهكانیهوه.
لهم یادهدا جهخت له چارهسهركردنى كێشهكان و پێكهوهژیانى ئاشتییانه و پاراستنى ئارامى و سهقامگیریى وڵات و پێكهوهكاركردنى ههموو لایهنه سیاسییهكان و پێكهاتهكان له عێراق و ههرێمى كوردستان دهكهینهوه، تا پێكهوه ئێستا و داهاتوویهكى باشتر بنیات بنێین.
سڵاو له گیانى پاكى شههیدانى ئهنفالى بادینان و تهواوى شههیدانى كوردستان.
نێچیرڤان بارزانى
سهرۆكى ههرێمى كوردستان
2025/8/25
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment