سەرۆک نێچیرڤان بارزانی و باڵیۆزی فەرەنسا  جەخت لە فراوانكردنی پەیوەندییەكانی هەرێمی كوردستان و فەڕەنسا دەكەنەوە کوردستانی

نوچە نێت

هەرێمی كوردستان و فەڕەنسا كار بۆ فراوانكردنی پەیوەندییەكانی نێوانیان دەكەین، سەرۆكی هەرێمی كوردستان و باڵیۆزی فەرەنسا لە عێراق لەو بارەیەوە تاوتوێی سەردانی چاوەڕوانکراوی سەرۆک ماکرۆن بۆ عێراق و هەرێمی کوردستان دەكەن.

ئەمڕۆ سێشەممە (دووی ئەیلوول/2025) سەرۆك نێچیرڤان بارزانی، سەرۆکی هەرێمی کوردستان، لەگەڵ باڵیۆزی فەرەنسا لە عێراق پاتریک دۆرێل، پەیوەندییەکانی فەرەنسایان لەگەڵ عێراق و هەرێمی کوردستان تاوتوێ کرد.

سەرۆكایەتیی هەرێمی كوردستان دەڵێت، لە كۆبوونەوەكە "دەربارەی دۆخی گشتی و ناوخۆی عێراق و هەرێمی کوردستان و پەیوەندییەکانی هەولێر - بەغدا، بیروڕایان گۆڕییەوە."

سەرۆك نێچیرڤان بارزانی و باڵیۆز پاتریک دۆرێل، وەك لە ڕاگەیێندراوەكەدا هاتووە، "پەیوەندییەکانی فەرەنسایان لەگەڵ عێراق و هەرێمی کوردستان بە گرنگ هەڵسەنگاند و داکۆکییان لە فراوانکردنی هاریکاریی هاوبەشی نێوانیان کردەوە، هەر لەمبارەیەوە باسیان لە سەردانی چاوەڕوانکراوی سەرۆک ماکرۆن بۆ عێراق و هەرێمی کوردستان کرد."

هەڵبژاردنی داهاتووی ئەنجومەنی نوێنەرانی عێراق و پەیوەندییەکانی عێراق و هەرێمی کوردستان لەگەڵ وڵاتانی دراوسێ و دوایین پێشهاتەکانی ناوچەکە، لایەنێکی دیکەی دیدارەکە بوو.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین