بافڵ تاڵەبانی: بە گەرمی پێشوازی لە هەناردەکردنەوەی نەوتی هەرێم دەکەین کوردستانی

نوچە نێت

سەرۆکی یەکێتیی نیشتمانیی کوردستان سەبارەت بە رێککەوتنی نێوان حکومەتی هەرێمی کوردستان و حکومەتی عێراق بۆ هەناردەکردنەوەی نەوت لە پەیامێکدا پیرۆزبایی لە خەڵکی هەرێمی کوردستان دەکات و  دەڵێت، بە گەرمی پێشوازی لە هەناردەکردنەوەی نەوت دەکەم.

ئەمڕۆ هەینی (26/ئەیلوول/2025) بافڵ تاڵەبانی، سەرۆکی یەکێتیی نیشتمانیی کوردستان پەیامەکی سەبارەت بە ڕێککەوتنی ێوان حکومەتی هەێمی کوردستان حکومەتی عێراق  بڵاوکردەوە و رایگەیاندووە، هەمیشە باوەڕیان بە دیالۆگ و گفتوگۆ هەبووە و وەک باشترین چارەسەر بۆ یەکلاکردنەوەی کێشەکان و گەیشتن بە ئەنجامی دڵخواز لە بەرژەوەندی هاوڵاتییاندا داکۆکییان لێکردووە.

سەرۆکی یەکێتی لە پەیامەکەیدا ئاماژەی بەوەشکرد، کە ئەم رێککەوتنە بخرێتە خزمەتی زیاتری خەڵکی کوردستان و دادپەروەری لە دابەشکردنی داهاتی وڵات و پێدانی شایستە داراییەکانی هەرێمی کوردستان بەپێی دەستوور هەبێت.

بافڵ تاڵەبانی دەشڵێت، قوڵایی ستراتیجی چارەسەرکردنی کێشەکان لە بەغدا دەبینین و لەو رێگایەوە دەتوانین خزمەتی خەڵک و هەرێمەکەمان بکەین.

لە کۆتایی پەیامەکەیدا سەرۆکی یەکێتیی نیشتمانیی کوردستان دەستخۆشی لە هەر کەسێک دەکات کە هاوکار بووە بۆ سەرخستنی ئەم پرۆسەیە لەگەڵیاندا.

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین