سه‌رۆك نێچیرڤان بارزانى و خەمیس خه‌نجه‌ر جەخت لە له‌ هاریكاریى نێوان لایه‌نه‌ سیاسییه‌كان دەكەنەوە کوردستانی

نوچەنێت

سەرۆکی هەرێمی کوردستان پێشوازی لە سه‌رۆكى هاوپه‌یمانیى ئه‌لسیاده‌ کرد، لە کۆبوونەوەیەکدا جەختیان کردەوە لە، "كاركردن له‌پێناو سه‌رخستنى هه‌ڵبژاردنى ئه‌نجومه‌نى نوێنه‌ران و پاراستنى ئارامى و سه‌قامگیریى وڵات".

ڕۆژی چوارشه‌ممه‌ (2025/10/1) سەرۆکایەتیی هەرێمی کوردستان بڵاویکردەوە، سەرۆک نێچیرڤان بارزانى، سه‌رۆكى هه‌رێمى كوردستان، پێشوازیى له‌ خه‌میس ئه‌لخه‌نجه‌ر، سه‌رۆكى هاوپه‌یمانیى ئه‌لسیاده‌ و شاندێكى یاوه‌رى كرد كه‌ له‌ ژماره‌یه‌ك له‌ به‌رپرسانى هاوپه‌یمانییه‌كه‌ پێكهاتبوو.

بە گوێرەی ڕاگەیێندراوی سەرۆکایەتیی هەرێمی کوردستان لە کۆبوونەوەی نێوانیاندا، "دۆخى گشتی عێراق و پرۆسه‌ى سیاسى له‌ وڵات و ئاماده‌كارییه‌كان بۆ هه‌ڵبژاردنى داهاتووى عێراق تاوتوێ كران، بیڕوڕا ئاڵۆگۆڕ کرا ده‌رباره‌ى په‌یوه‌ندییه‌كانى هه‌ولێر ـ به‌غدا و گفتوگۆى نێوانیان بۆ چاره‌سه‌ركردنى كێشه‌كان".

لە ڕاگەیێندراوەکەدا ئاماژە بۆ ئەوەش کراوە، "هه‌ردوولا جه‌ختیان له‌ گرنگیى هه‌ماهه‌نگى و هاریكاریى هاوبه‌شى نێوان هێز و لایه‌نه‌ سیاسییه‌كان و پێكهاته‌كانى عێراق بۆ چاره‌سه‌ركردنى كێشه‌كانى وڵات و كاركردن له‌پێناو سه‌رخستنى هه‌ڵبژاردنى ئه‌نجومه‌نى نوێنه‌ران و پاراستنى ئارامى و سه‌قامگیریى وڵاتدا كردەوە".

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین