سه‌رۆك نێچیرڤان بارزانى و باڵیۆزى كه‌نه‌دا كۆبوونه‌وه‌ کوردستانی

نوچەنێت

سەرۆكی هەرێمی كوردستان پێشوازی لە  باڵیۆزى كه‌نه‌دا له‌ عێراق كرد و هه‌ردوولا جه‌ختیان "له‌ بره‌ودانى زیاتر به‌ په‌یوندییه‌كانى كه‌نه‌دا له‌گه‌ڵ هه‌رێمى كوردستان، به‌تایبه‌تى له‌ بوارى ئابووریدا، كرده‌وه‌."

پاشنیوه‌ڕۆى ئه‌مڕۆ چوارشه‌ممه‌ (هەشتی تشرینی یەكەم/2025) سەرۆك نێچیرڤان بارزانى، سه‌رۆكى هه‌رێمى كوردستان، پێشوازیى له‌ كریستۆفه‌ر بۆم، باڵیۆزى كه‌نه‌دا له‌ عێراق كرد. بە گوێرەی ڕاگەیێندراوی سەرۆكایەتیی هەرێمی كوردستان، "له‌ كۆبوونه‌وه‌یه‌كدا باسیان له‌ په‌یوه‌ندییه‌كانى كه‌نه‌دا له‌گه‌ڵ عێراق و هه‌رێمى كوردستاندا كرد، هه‌روه‌ها تیشكیان خسته‌ سه‌ر هه‌ڵبژاردنى داهاتووى ئه‌نجومه‌نى نوێنه‌رانى عێراق، دۆخى ناوخۆى هه‌رێمى كوردستان و هه‌وڵه‌كانى پێكهێنانى کابینەی نوێی حكوومه‌تى هه‌رێمى كوردستان."

سەرۆك نێچیرڤان بارزانی و باڵیۆزی كەنەدا لە عێراق  هه‌ردوولا جه‌ختیان له‌ بره‌ودانى زیاتر به‌ په‌یوندییه‌كانى كه‌نه‌دا له‌گه‌ڵ هه‌رێمى كوردستان، له‌مباره‌یه‌وه‌ باس "له‌ زه‌مینه‌ و ده‌رفه‌ته‌كانى كار و وه‌به‌رهێنان و سه‌رمایه‌گوزارى بۆ كۆمپانیاكان و كه‌رتى تایبه‌تى كه‌نه‌دى له‌ هه‌رێمى كوردستان، كرا."

هاوكات لە ڕاگەیێندراوەكەدا ئاستى نوێنه‌رایه‌تیى كه‌نه‌دا له‌ هه‌رێمى كوردستان و دوایین پێشهاته‌كانى ناوچه‌كه و لێكه‌وته‌كانى‌، ته‌وه‌رێكى دیكه‌ى كۆبوونه‌وه‌كه‌ بوو.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین