قۆناغی سێیەمی دابەشکردنی زەوی بەسەر فەرمانبەراندا ڕاگەیێندرا
نوچەنێت
ئەمڕۆ سێشەممە (28/ تشرینی یەکەم/ 2025) وەزارەتی شارەوانی و گەشتوگوزار ڕایگەیاند، "بە سەرپەرشتیی ساسان عەونی، وەزیری شارەوانی و گەشتوگوزار و ئومێد خۆشناو پارێزگاری هەولێر" بە ئامادەبوونی نەبەز عەبدولحەمید، قائیمقامی ناوەندی هەولێر و مەریوان حاكم هادی، بەرێوەبەری گشتیی شارەوانییەكانی هەولێر و ژمارەیەک لە ئەندازیاران "قۆناغی سێیەمی دابەشكردنی زەوی لە سەنتەری شاری هەولێر و عەنكاوە ڕاگەیەندرا."
بە گوێرەی ڕاگەیێندراوەکەی وەزارەتی شارەوانی ساسان عەونی لە ڕێوڕەسمێکدا خۆشحاڵی خۆی ڕاگەیاند و گووتی، "خۆشحاڵین ئەمڕۆ قۆناغی سێیەمی زەوی ڕادەگەیەنین كە ساڵی پار بە بڕیاری ڕێزدار مەسرور بارزانی، سەرۆكی حكومەتی هەرێمی كوردستان وەك پاڵپشتی و پاداشتێك بۆ خۆڕاگریی فەرمانبەرانی حكوومەت بڕیاری دابەشكردنی زەوی دا." هەروەها ئەوەشی گووت، کە "ئەمڕۆ زیاتر لە 7 هەزار و 500 پارچە زەوی بەسەر فەرمانبەرانی شاری هەولێر و عەنكاوە دابەش دەكرێت، كە لە ڕاستیدا ژمارەی پارچە زەوییەكانیش نزیكەی 14 هەزارە، بەڵام بەشێكی بۆ قەرەبووی خاوەنی زەوی و جووتیارەكانە."
وەزیری شارەوانی لەبارەی نەخشەی زەوییەکان و ئەو زەوییانەی بە فەرمانبەرانی عەنکاوە دراوە ڕایگەیاند، "ئەندازیارەكان دیزاینی زۆر جوانیان بۆ نەخشە كەرتییەكان كردووە و ستانداردی زۆر باش لە دروستكردنی نەخشە كەرتییەكاندا" جێبەجێ کراون. هەروەها هەر "ئەمڕۆ زەوی بەسەر ئەو هەزار و 279 فەرمانبەرەی عەنكاوەش لە شوێنێكی تایبەت لەگەڵ فەرمانبەرانی هەولێر دابەش دەكرێت و بۆ پاراستنی تایبەتمەندیی پێکهاتەی عەنكاوەش نەخشەیەكی تایبەت بۆ فەرمانبەرانی عەنكاوە لە شوێنێكی تایبەت بە خۆیان بۆ دروستكراوە" و بۆ بەخشینی زەوییەکان پێیان تیروپشكیان بۆ دەكرێت.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment