رێكارەكانی دەستگیركردنی بەربژێرەكەی دووبز و پاسەوانەكانی چڕتر دەكرێنەوە
نوچەنێت
دوای ئەوەی ئێوارەی ڕۆژی (15-11-2025) بەربژێرێکی دەرچووی حیزبی تەقەدووم، بەناوی موهەیمەن حەمدانی، لەگەڵ پاسەوانەكانی هێرشی کردە سەر ماڵی پێشمەرگەیەکی فەرماندەیی زێرەڤانی بە ناوی ئەحمەد خەڵەف لە قەزای دووبزی سەر بە پارێزگای کەرکووک و دەستڕێژی گوللـەی لە خانوو و ئۆتۆمبێلەکەی کردووە و ئەندامانی خێزانەکەی ئازار داون.
وەزارەتی پێشمەرگەی هەرێمی كوردستان لەبارەی رووداوەكە دەڵێت، "هێزێکی ئەمنی هاوبەش لە فەرماندەیی ئۆپەراسیۆنەکانی کەرکوک و پۆلیسی کەرکوک بە سەرپەرشتی فەرماندەیی ئۆپەراسیۆنە هاوبەشەکان، فەرمانی دەستگیرکردنیان بۆ حەوت کەس جێبەجێکرد کە تۆمەتبارن بە دەستدرێژیکردنە سەر خێزانێک لە پارێزگای کەرکوک. کە هێرشیان کردوەتە سەر ماڵی ئەو خێزانە و تەقەیان کردووە و هەوڵی ڕفاندنی یەکێک لە کوڕەکانیان داوە".
وەزارەتی پێشمەرگە دووپاتی دەكاتەوە، "ئەو هێرشە لەلایەن پاسەوانەکانی پەرلەمانتار موهەیمین ئەلحەمدانی ئەنجامدراوە و هەروەها هێرشکردنە سەر ئەفسەرێکی سوپا کە هەوڵی داوە رێگری بکات لە رووداوە. هێزە ئەمنییەکان بەردەوامن لە گەڕان و لێکۆڵینەوەکانیان بۆ دەستگیرکردنی سەرجەم ئەو کەسانەی دەستیان لە ڕووداوەکەدا هەبووە. ئەو هێزە جەختی لەوە کردووەتەوە کە ئاسایشی هاووڵاتیان و شکۆمەندی ئەو دامەزراوە سەربازییە هێڵی سوورن، هەر سەرپێچییەک لەم سنوورانەش جێگای قبوڵ نییە."
هاوكات فەرماندەیی پێشمەرگەی زێرەڤانیی ڕاگەیێندراوێكی بڵاوكردەوە و ڕایگەیاند، "بە توندی ئیدانەی ئەو کردارە نامرۆڤانەیەی موهەیمەن حەمدانی دەکەین و داوا لە هێزە ئەمنییەکان و ئیدارەی قەزای دووبز دەکەین بە زووترین کات ڕێوشوێنی توندی یاسایی بەرامبەر ئەو بەربژێرە بگرنە بەر و بە سزای یاسایی خۆی بگەیێنرێت.
هەروەها دووپاتی دەكاتەوە، کە "هەموو ڕێوشوێنێکی پێویستی یاسایی لە دژی ناوبراو دەگرینە بەر، ئیدارە و هێزە ئەمنییەکانی دەڤەرەکەش ئاگادار دەکەینەوە کە پاراستنی گیان و ماڵی هەر پێشمەرگەیەک و خانەوادەکانیان لە سنوورەکە لە ئەستۆی ئەوانە. هاوکات پێویستە هەموو ڕێکارێک بۆ ڕێگریکردن لە دووبارەبوونەوەی ئەم جۆر هێرش و پەلامار و کردەوانە بگیرێتەبەر."
بەپێی زانیارییەكان تاوەكو ئەمڕۆ چەند پاسەوانێكی بەربژێرەكەی لیستی تەقدووم دەستگیركراون، بەڵام موهەیمەن حەمدانی خۆی لە ماڵی برایەكی كە شێخێكی ناسراوی ئەو ناوچەیە دڵدەداوە و تاوەكو ئێستا دەستگیر نەكراوە.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment