بەهۆی مەترسی ڕووخانیان چەند قوتابخانەیەک نۆژەندەکرێنەوە
نوچەنێت: ئەحمەد زرار
ڕۆژی سێشەممە (23/12/2025) د. ئالان حەمە سەعید وەزیری پەروەردەی حکومەتی هەرێمی کوردستان دوای بینینی چەند گرتە ڤیدیۆیەک لە قوتابخانەکانی سنووری دەربەندیخان، ڕاستەوخۆ پەیوەندی بە نەژاد عەبدوڵڵا بەڕێوەبەری گشتیی پەروەردەی سلێمانییەوە کرد و داوای کرد "بەزووترین کات دەرخستەکان بۆ وەزارەت بەرزبکرێنەوە، تاوەکو بودجەی پێویست بۆ نۆژەنکردنەوەیان دابین بکرێت و مەترسی لەسەر گیانی قوتابیان نەهێڵدرێت" چونکە زۆربەی قوتابخانەکانی سنووری دەربەندیخان مەترسی ڕوخانیان لەسەرە و بۆ دەوامکردن گونجاو نین.
بە گوێرەی زانیارییەکان بەشێک لەم قوتابخانانە، "شوێنەواری بوومەلەرزەکەی ساڵی 2017 یان پێوە دیارە و نۆژەن نەکراونەتەوە، تەنانەت لەسەر دیواری بەشێکیان نووسراوە مەترسیدارە" بۆیە دوای ئەوەی هاوار حەمید، بەڕێوەبەری پەروەردەی دەربەندیخان رایگەیاند، کە لیژنەیەکیان بۆ پێداچوونەوەی ئەم بابەتە بپێکهێناوە "دەرکەوتووە یەکێک لە قوتابخانەکان بەهۆی زۆری مەترسییەوە دەبێت بەتەواوی چۆڵ بکرێت" و شەش قوتابخانەی تریش بە ناوەکانی "قوتابخانەی پێشەوا، قوتابخانەی هەرێز، قوتابخانەی سەعی کاکی، قوتابخانەی تاڤگە، قوتابخانەی هێمای کچان، قوتابخانەی هەڵگورد" مەترسی ڕوخانیان لەسەرە.
هاوکات بەڕێوەبەری پەروەردەی دەربەندیخان دەشڵێت، دوای فەرمانەکەی وەزیری پەروەردەی هەرێم "دەرخستەمان بۆ نۆژەنکردنەوەی ئەو قوتابخانانە ئامادە کردووە کە تێچووەکەی 600 ملیۆن دینارە و هەفتەیەک پێش ئێستا ڕەوانەی سلێمانیمان کردووە، چونکە ئەو باڵەخانانە بەرگەی بچووکترین دیاردەی سروشتی وەک بومەلەرزە، لافاو یان رەشەبا ناگرن" تا ئەو کاتەش دەبێت دەوامی تێدا بوەستێندرێت و ڕەچاوی بەکارهێنانیان بکرێت.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment