سەرۆکی هەرێمی کوردستان: هەرێمی کوردستان وەک هەمیشە بە چەتری کۆکەرەوەی هەموو پێکهاتهکان دەمێنێتەوە
نوچەنێت
ڕۆژی شەممە (2026/1/3) سەرۆک نێچیرڤان بارزانی، سەرۆکی هەرێمی کوردستان لە پەیامێکدا بەبۆنەی هاتنەوەی جەژنی سێ شەوەی یاران قەوڵتاسی کاکەییەکان ڕایگەیاند، "هاووڵاتییانى کاکەییمان وەک پێکهاتەیەکی ڕەسەن و دێرینی ئەم نیشتمانە، هەمیشە نموونەی جوانی لێبوردەیی، ئاشتیخوازی و نیشتمانپەروەری بوون. بە درێژاییی مێژوو، سەرەڕای ئاڵنگاری و ناهەموارییەکان، پارێزگارییان لە ناسنامە و ئایین و کولتووری خۆیان کردووە و لە بەرگریکردن لە کوردستاندا قوربانییان داوە".
سەرۆکی هەرێمی کوردستان دووپاتی دەکاتەوە، "بەردەوام دەبن لە پشتیوانیکردنی مافەکانیان و پاراستنی تایبەتمەندیی ئایینی و کۆمەڵایەتییان".
دەقی پەیامەکەی سەرۆک نێچیرڤان بارزانی، سەرۆکی هەرێمی کوردستان:
هاتنەوەی جەژنی سێ شەوەی یاران قەوڵتاس ، به گهرمى و له دڵهوه له تەواوی خوشک و برایانی کاکەیی (یارسانی) لە هەرێمی کوردستان، عێراق و جیهان پیرۆز دەکەم. هیوادارم جەژنێکی ئارام و پڕ لە خۆشی و كامهرانى بهسهربهرن.
هاووڵاتییانى کاکەییمان وەک پێکهاتەیەکی ڕەسەن و دێرینی ئەم نیشتمانە، هەمیشە نموونەی جوانی لێبوردەیی، ئاشتیخوازی و نیشتمانپەروەری بوون. بە درێژاییی مێژوو، سەرەڕای ئاڵنگاری و ناهەموارییەکان، پارێزگارییان لە ناسنامە و ئایین و کولتووری خۆیان کردووە و لە بەرگریکردن لە کوردستاندا قوربانییان داوە.
لەم بۆنەیەدا، هەموو هاووڵاتییانى کاکەییمان دڵنیا دەکەینەوە کە هەرێمی کوردستان وەک هەمیشە بە لانەی ئارامی پێکەوەژیان و چەتری کۆکەرەوەی هەموو پێکهاتهکان دەمێنێتەوە. بەردەوام دەبین لە پشتیوانیکردنی مافەکانیان و پاراستنی تایبەتمەندیی ئایینی و کۆمەڵایەتییان.
جەژنی قەوڵتاس لە هەمووان پیرۆز بێت، هەموو ساڵێک بە خۆشی و کامەرانی
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment