ژمارەیەك گەنجی دیكەی كورد لە لیبیاوە گەڕێندراونەوە هەرێمی کوردستان
نوچەنێت: دنیا ئەحمەد
ئەمڕۆ شەممە (2026/1/24) وەزارەتی ناوخۆی حکومەتی هەرێمی کوردستان ڕاگەیێندراوێکی بڵاوکردەوە و رایگەیاند، "کاروانی پێنجەمی ئەو گەنجانەی هەرێمی کوردستان کە لە وڵاتی لیبیا لە کاتی هەوڵدانیان بۆ کۆچی نایاسایی بەرەو وڵاتانی رۆژئاوا دەستگیرکرابوون، بە سەلامەتی گەڕێندرانەوە بۆ ناو خاکی هەرێمی کوردستان. ژمارەی ئەو گەنجانەی لەم کاروانەدا گەیشتنەوە باوەشی نیشتمان پێکهاتبوون لە (100) گەنج، کە بەپێی ئامارەکان زۆرینەیان دانیشتووی سنووری ئیدارەی سەربەخۆی راپەڕینن. جێگەی ئاماژەیە کە پرۆسەکە بەردەوامە و بڕیار وایە کاروانی شەشەمیش لە رۆژانی داهاتوودا بگەنەوە وڵات."
لەو ڕاگەیێندراوەدا حکومەتی هەرێمی کوردستان هۆشداری بە گەنجان دەدات و جارێکی دیکە جەخت لەسەر پێویستی و گرنگی خۆپارێزی گەنجان و خانەوادەکانیان دەکاتەوە لە گرتنەبەری رێگەی کۆچی نایاسایی و نائاسایی بۆ وڵاتانی رۆژئاوا، هەروەها دەشڵێت، "ئەم جۆرە کۆچە نەک هەر مەترسی لەسەر ژیانیان دروست دەکات، بەڵکو دەبێتە هۆی پێشێلکاری یاسایی وڵاتانی دیکە و لێپرسینەوەی توندی یاسایی بەدوادا دێت؛ هاوشێوەی ئەو بارودۆخە سەختەی رووبەرووی ئەم گەنجانە بووەوە، کە هەندێکیان بۆ ماوەی (8) مانگ لە بەندینخانەکاندا بوون و لەو ماوەیەدا بە بەردەوامی رووبەڕووی مەترسییەکانی مردن بوونەتەوە."
هاوکات وەزارەتی ناوخۆ دووپاتی دەکاتەوە، کە لە ئێستاشدا تیمێکی تایبەتی فەرمانگەی پەیوەندییەکانی دەرەوە لە ناو خاکی لیبیان و بەردەوامن لە کارەکانیان بۆ ڕزگارکردن و هێنانەوەی ئەو کۆچبەرە کوردانەی تری کە هێشتا لەوێ ماون و بارودۆخی ژیان و تەندروستییان لە مەترسیدایە.
جێگەی باسە، تاوەکو ئەمڕۆ، حکومەتی هەرێمی کوردستان توانیویەتی (202) کۆچبەری نایاسایی لە بارودۆخە جیاوازەکان ڕزگار بکات و بیانگەڕێنێتەوە بۆ هەرێمی کوردستان هەروەها هەوڵی داوە بە هەماهەنگی لەگەڵ بەرپرسانی لیبیا پێنج کاروانی کۆچبەرانی هەرێمی کوردستان لەو وڵاتە بگەرێنێتەوە بۆ هەرێمی کوردستان.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment