سهرۆك نێچیرڤان بارزانى: ئاگری نەورۆز بۆ ئێمە بانگەوازێکی بەردەوامە بۆ كۆڵنهدان و پێكهوهیى
نوچە نێت
ئەمڕۆ هەینی (20-3-2026) سەرۆك نێچیرڤان بارزانی سەرۆكی هەرێمی كوردستان، پەیامێكی بڵاوكردەوە و ڕایگەیاند، گەلی کورد و كوردستانییانى ئازیز لە هەر کوێی جیهان بن، "نەورۆز گوزارشتێکی قووڵە لە مێژوویەکی پڕ لە تێکۆشان و داستانەکانی خۆڕاگریی نەتەوەیەک کە ههمیشه به ئیرادهیهكى بههێزهوه بهرهنگارى ستەم بووهتهوه و ههرگیز ڕادهست نهبووه."
سەرۆكی هەرێمی كوردستان دووپاتی دەكاتەوە، ئاگری نەورۆز بۆ كورد، "بانگەوازێکی بەردەوامە بۆ كۆڵنهدان، بۆ ڕووبهڕووبوونهوهى ئاڵنگارییهكان، بۆ تهبایى و پێكهوهیى."
دەقی پهیامى سهرۆك نێچیرڤان بارزانى سەرۆكی هەرێمی كوردستان بۆ جهژنى نهورۆز:
گەلی کورد و كوردستانییانى ئازیز لە هەر کوێی جیهان بن،
بە گەرمی و لە ناخی دڵەوە، جەژنی نەورۆزی نەتەوەیی و سەری ساڵی نوێی کوردی لە ئێوە و لە خێزانی سەربەرزی شەهیدان، پێشمەرگە قارەمانەکان و تەواوی هێزە ئەمنییەکان پیرۆز دەکەم. هیوادارم ئەم جەژنە ببێتە مایەی ئارامی، ئاسوودەیی و کامەرانی بۆ هەمووان.
نەورۆز گوزارشتێکی قووڵە لە مێژوویەکی پڕ لە تێکۆشان و داستانەکانی خۆڕاگریی نەتەوەیەک کە ههمیشه به ئیرادهیهكى بههێزهوه بهرهنگارى ستەم بووهتهوه و ههرگیز ڕادهست نهبووه. نەورۆز هێمای تێکشکانی تاریکی و نوێبوونەوەی ژیانە، ئەو ڕاستییەى مێژووە کە دەیسەلمێنێت هیچ هێز و چەکێک ناتوانێت گڕی ئازادیخوازی لە ناخی کورددا بکوژێنێتەوە.
ئەمڕۆش ئاگری نەورۆز بۆ ئێمە بانگەوازێکی بەردەوامە بۆ كۆڵنهدان، بۆ ڕووبهڕووبوونهوهى ئاڵنگارییهكان، بۆ تهبایى و پێكهوهیى. گوڕ و تینى بههێزمانه بۆ ئهوهى بە ئیرادەیهكى نەورۆزییانە، دەستکەوتە دەستوورییەکانمان بپارێزین و فیدراڵى و قەوارەی سیاسیی هەرێمی کوردستان وەک بەرهەمی خوێنی شەهیدان و خەباتی ساڵههامان، پتهو و بههێز بهێڵینەوە.
ئەمساڵ لە کاتێکدا پێشوازی لە بەهار و نەورۆز دەکەین، ناوچەکەمان بە دۆخێکی هەستیار و ئاڵۆزدا تێدەپەڕێت. مەترسییەکانی شەڕ و لێكهوتهكانى لە هەموو لایەکەوە دهردهكهون. بۆیە ئەرکی هەموومانە بە بەرپرسیاریهتیى مێژوویییەوە کار بکەین تاکوو هەرێمی کوردستان و عێراق لەم ئاڵۆزییانە بەدوور بگرین. ئاشتی و ئاشتیخوازی؛ گەورەترین هێزی ئێمەن و تەنیا لە سایەی سەقامگیریدا دەتوانین داهاتوویهكى باشتر بنیات بنێین.
لە پەیوەندیمان لەگەڵ حکوومەتی فیدراڵیی عێراقدا، وێڕاى دەستخۆشی له ههر ههنگاوێكى ئهرێنى، دووپاتی دەکەینەوە کە لهم دۆخهدا هاریكارى و ههماههنگیى زیاترى ههولێر ـ بهغدا و جێبەجێکردنی ڕاستەقینەی دەستوور و سیستەمی فیدراڵی و پاراستنی مافی هەموو پێکهاتەکان، تاقە گەرەنتییە بۆ عێراقێکی بەهێز و سەقامگیر. ئێمە لە هەرێمی کوردستان وەک هەمیشە فاکتەری ئارامی و سهقامگیرى دەمێنینەوە و دەستی لێكگهیشتن و دۆستایەتی بۆ هەمووان درێژ دەکەین.
هاووڵاتییانى خۆشهویستى كوردستان،
داواتان لێ دەکەم لە کاتی گەشت و سەیراندا، بەوپەڕی وریایییەوە ڕەچاوی سەلامەتیی خۆتان و خێزان و ئازیزانتان بكهن. بەتایبەتى لەم ڕۆژگارەدا کە ناوچەکەمان بە دۆخێکی ئاڵۆز و پڕ لە لێکەوتەی مەترسیداری شەڕدا تێدەپەڕێت، پێویستە هەمووان زیاتر ئاگادارى خۆتان بن.
دهبێ پابەندی ڕێنمایییەکانی هاتوچۆ و لایەنە پەیوەندیدارەکان بن، تاکوو ئەم جەژنە بە ئارامى و سەلامەتی بكهنهوه و هیچ ناخۆشییەک یادی نەورۆزمان لێ تاڵ نەکات. پاراستنی ژینگە و سروشتی جوانی کوردستان، ئەرکێکی نیشتمانی و نیشانەی شارستانیبوونی ئێمەیە و دهبێ پابهندى بین.
نەورۆز لە هەموو ئەو گەلانەش پیرۆز بێت کە ئەم یادە دەکەنەوە. خواى مهزن ئێوه ههمووتان و گهل و نیشتمانمان بپارێزێت و ئاشتى و ئارامى و دڵنیایى؛ باڵ بهسهر ناوچهكهمان و تهواوى مرۆڤایهتیدا بكێشێت.
جەژنتان پیرۆز، هەموو ساڵێک بە خۆشى و كامهرانى.
نێچیرڤان بارزانی
سەرۆکی هەرێمی کوردستان
2026/3/20
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment