ئەمینداری گشتیی کۆمکاری عەرەبی: بەتوندی سەرکۆنەی هێرشەكەی سەر ماڵی سەرۆکی هەرێمی كوردستان دەكەم کوردستانی

نوچە نێت

ئەمینداری گشتیی کۆمکاری وڵاتانی عەرەبیی پەیوەندی بە سەرۆکی هەرێمی کوردستان کرد، توندی سەرکۆنەی ئەو هێرشە درۆنییەی کرد کە دوێنێ کرایە سەر ماڵی سەرۆک نێچیرڤان بارزانی لە دهۆک.

ئەمڕۆ یەکشەممە (2026/3/29) سەرۆک نێچیرڤان بارزانی، سەرۆکی هەرێمی کوردستان، پەیوەندییەکی تەلەفۆنیی لە ئەحمەد ئەبولغەیت، ئەمینداری گشتیی کۆمکاری وڵاتانی عەرەبییەوە پێگەیشت.

بەگوێرەی ڕاگەیێندراوەکەی سەرۆکایەتیی هەرێمی کوردستان، لە پەیوەندییەکەدا، ئەحمەد ئەبولغەیت، "بە توندی سەرکۆنەی ئەو هێرشە درۆنییەی کرد کە دوێنێ کرایە سەر ماڵی سەرۆک نێچیرڤان بارزانی لە دهۆک ، هەروەها پشتگیریی کۆمکاری وڵاتانی عەرەبیی بۆ پاراستنی ئاسایش و سەقامگیریی هەرێمی کوردستان و عێراق دووپات کردەوە".

لە بەرامبەردا سەرۆک نێچیرڤان بارزانی، "سوپاسی پەیوەندیی ئەحمەد ئەبولغەیت و هەڵوێستی کۆمکاری وڵاتانی عەرەبیی کرد بۆ پشتگیریکردنی بەردەوامیان له‌ عێراق و هەرێمی کوردستان."

هاوکات لەکۆتایی ڕاگەیێندراوەکدا هاتووە، "دوایین پێشهاتەکانی بارودۆخی ناوچەکە و لێکەوتەکانی شەڕ، ته‌وه‌رێكى ديكه‌ى په‌يوه‌ندييه‌ ته‌له‌فۆنييه‌كه‌ بوو".

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین