هەڵوێستی توركیا بەرامبەر ئاگربەستی ئەمەریکا و ئێران
نوچە نێت:
ئەمڕۆ چوارشەممە (2026/4/8) ماڵپەڕی (سی ئێن ئێن) بڵاوی کردەوە، دوای (40) ڕۆژ لە جەنگی هاوبەشی ئیسرائیل و ئەمەریکا لەگەڵ ئێران بە دەستپێشخەری پاکستان دوێنێ شەو ئاگربەستێکی کاتیان لە نێوان ئێران و ئەمەریکا ڕایگەیاند، ڕەجەب تەیب ئەردۆغان سەرۆک کۆماری تورکیا لە تۆری کۆمەڵایەتیی (ئێکس) پەیامێکی بڵاوکردەوە و ڕایگەیاند، "ئەو ئاگرەی لە (28) شوباتەوە ناوچەکەمانی گرتووەتەوە، ئەو ئاگربەستەی شەوێ ڕابردوو ڕاگەیێندرا بە خۆشحاڵییەوە پێشوازی لێدەکەین، هیوادارم ئاگربەستی هەمیشەیی ڕابگەیێندرێت و هیچ دەرفەتێک نەدرێتە ئەو لایەنەی کە هەوڵی تێکدانی ئەو ئاگربەستە دەدەن."
سەرۆک کۆماری تورکیا لەبەشێکی دیکەی پەیامەکەیدا ڕاشیگەیاندووە، "لەدڵەوە لەسەرەتا سوپای برا و دۆستمان پاکستان و ئەو ئەکتەرانە دەکەم کە هەوڵی جددییان دا بۆ گەیشتن بەو رێککەوتنە، هیوادارم ئەو جوگرافییەمان کە زوڵ و زۆرداری و شەڕ و پێکدانانی زۆری بەخۆوە بینیوە بەزووترین کات بگات بە ئاشتی و ئارامی، تورکیا بەردەوام دەبێت لەبەرزکردنەوەی دەنگەکانی لە هەموو جیهاندا لەپێناو گەیشت بە ئاشتی."
لەلایەکی دیکە، دوای ڕاگەیاندنی ئاگربەست وەزارەتی دەرەوەی تورکیا ڕاگەیێندراوێکی بڵاوکردەوە و دەڵێت، "بە سوپاسەوە پێشوازی لە بڕیاری ڕاگەیاندنی ئاگربەستی کاتی نێوان ئەمەریکا و ئێران دەکەین، هیواخوازین ئاشتییەکی هەمیشەیی بێتەدی و هەموو لایەنەکان پابەندبن بە بڕگەکانی نێو ئاگربەستەکە."
وەزارەتی دەرەوەی تورکیا ئاماژەی بۆ ئەوەش کردووە، "تورکیا ئامادەیە هەموو پشتیوانییەک پێشکەش بکات بۆ ئەو دانوستاندنەی لە ئیسلام ئاباد بڕیارە بەڕێوەبچێت بۆ کۆتایهێنان بەو جەنگە."
جێگەی باسە، لە سەرەتای دەستپێکردنی ئەو جەنگە، تورکیا بێلایەنی خۆی لە هێرشەکان دووپاتکردەوە، هەڵوێستی خۆشی دژی هێرشەکان بۆ سەر ئێران ڕایگەیاند، هەروەها سەرۆک کۆماری تورکیا لە بەردەوامی جەنگەکە ڕەخنەی توندی لە ئێران گرت بەرامبەر بە هێرشەکانیان بۆ سەر وڵاتانی ناوچەکە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment