سەرۆک نێچیرڤان بارزانی داكۆكى له‌ مافى پێكهاته‌كان ده‌كات‌ کوردستانی

نوچەنێت

هەر لە درێژەی كارنامه‌كه‌يدا لە بەغدا، ئێوارەی ئەمڕۆ سێشەممە (2026/5/5)  سەرۆک نێچیرڤان بارزانی، سەرۆکی هەرێمی کوردستان، لەگەڵ نوێنەرانی پێکهاتەکانی ئێزدی، فەیلی و سابیئەی مەندائی لە ئەنجومەنی نوێنەرانی عێراق کۆبووەوە.

بەگوێرەی ڕاگەیێندراوی سەرۆکایەتیی هەرێم لە كۆبوونه‌وه‌كه‌دا، "دۆخی پێکهاته‌كان لە عێراق و هەرێمی کوردستان تاوتوێ کرا و جەخت لە گرنگیی مسۆگەرکردنی بەشداریی کارایان لە پرۆسەی سیاسی و بەدەستهێنانی مافە دەستوورییەکانیان کرایەوە."

هەر لەو کۆبوونەوەدا سەرۆک نێچیرڤان بارزانی، "پشتگیریی بەردەوامی خۆی بۆ مافی هەموو پێکهاتەکان دووپات کردەوە، هه‌روه‌ها ڕايگه‌ياند هه‌رچى له‌ توانادايه‌ ده‌يكه‌ن بۆ بەشداریکردنیان لە پرۆسەی سیاسی و کارگێڕیی وڵاتدا كه‌ دەبێتە مایەی چەسپاندنی سەقامگیریی سیاسی و پرەنسیپەکانی دادپەروەری و یەکسانی."

لاى خۆيانه‌وه‌، نوێنه‌رانى پێكهاته‌كانيش سوپاس و پێزانينيان بۆ پشتيوانيى به‌رده‌وامى سه‌رۆك نێچيرڤان بارزانى له‌ ماف و شايسته‌كانيان دووپات كرده‌وه‌.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین