وەزارەتی ناوخۆ: هەر کەسێک لە ئۆتۆمبێلەوە زبڵ فڕێبدات بە 40 هەزار دینار سزا دەدرێت
نوچە نێت:
ئەمڕۆ سێشەممە (2026/5/12) د. هێمن میرانی، بەڕێوەبەری گشتیی دیوانی وەزارەتی ناوخۆ ڕایگەیاند، "چیدی ئەمە رەوا و ئاسایی نییە، لە ئەمڕۆوە هەر ئۆتۆمبێلێک، ئینجا شوفێر یان سەرنشین، زبڵ و خاشاک فڕێبدات، بە بڕی 40 هەزار دینار سزا دەدرێت."
لەلایەکی دیکە د. سەنعان عەبدوڵڵا، گوتەبێژی دەستەی ژینگەی هەرێمی کوردستان لەبارەی ئەو بڕیاری وەزارەتی ناوخۆ ڕایگەیاندووە، بە تەواوی پشتیوانی و پێشوازی لە بڕیارەکەی وەزارەتی ناوخۆ دەکەن بۆ پاراستن و خاوێنکردنەوەی ژینگە.
گوتەبێژی دەستەی ژینگەی هەرێمی کوردستان ئاماژەی بەوەش داوە، بڕیارەکان پاڵپشت بە یاسا دراون، ئێمە وەکو چاودێری و بەدواداچوون و وەزارەتی ناوخۆش وەکو لایەنی جێبەجێکار لەم بوارەدا هاوئاهەنگیی تەواومان هەیە. هەروەها دەشڵێت، پێشتر وەزارەتی ناوخۆ گشتاندنی کردووە بۆ بڕیارەکانی، کە سزای ئەو کەسانە بدرێت زبڵ فڕێ دەدەن یان لە شوێنە گشتییەکان و سەیرانگەکان زبڵ جێدەهێڵن."
هاوکات لەگەڵ ڕاگەیاندنی هۆشدایەکەی وەزارەتی ناوخۆ، بەڕێوەبەرایەتی گشتیی هاتووچۆی هەرێمی کوردستان هۆشداری توند بە هاووڵاتیان دەدات و لە ڕاگەیێندراوێکدا دەڵێت، پاڵپشت نووسراوی وەزارەتی ناوخۆ و بڕیاری ئەنجوومەنی وەزیران، ئاگاداری شۆفێران و سەرنشینان دەکەنەوە، قەدەخەیە شۆفێر یان سەرنشین لە کاتی رۆیشتن یان وەستانی ئۆتۆمبێل هەر جۆرە زبڵ و خاشاکێک فڕێ بداتە سەر شەقام و شۆستەکان، بەپێچەوانەوە 40 هەزار دینار سزای بۆ رەوانە دەکرێت.
لە بەشێکی دیکەی ڕاگەیێندراوەکەدا هاتووە، ئەم سزایە زیاد دەکرێت بۆ هەموو سیستمەکانی تۆمارکردنی سەرپێچی وەکو PDA و کامێراکانی تۆمارکردنی تیژڕۆیی و چاودێری.
بەڕێوەبەرایەتی گشتیی هاتووچۆی هەرێمی کوردستان دووپاتی دەکاتەوە، دەسەڵاتی تەواو دەدرێت ئەفسەری هاتووچۆ بۆ سەپاندنی ئەو سزایە راستەوخۆ لە کاتی بینینی، یان لەو کاتەی بە ڤیدیۆی تۆمارکرا و لە لایەن هاووڵاتییانەوە بۆ پلاتفۆرمەکانی بەڕێوەبەرایەتییەکانی هاتووچۆ رەوانە دەکرێت.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment