سەرۆک نێچیرڤان بارزانی لەگەڵ سەرۆک کۆماری ئیتاڵیا کۆبووەوە
نوچە نێت:
پێشنیوەڕۆی ئەمڕۆ سێشەممە (2026/5/19) سەرۆک نێچیرڤان بارزانی، سەرۆکی هەرێمی کوردستان، لەلایەن سێرجیۆ ماتارێلا، سەرۆککۆماری ئیتاڵیاوە پێشوازیی لێکرا و دواتر کۆبوونەوەیەکیان ئەنجام دا. لە بارەی ئەم کۆبوونەوەیە سەرۆکی هەرێمی کوردستان پەیامێکی بڵاوکردەوە و دەڵێت، "خۆشحاڵ بووم بە كۆبوونهوهى ئهمڕۆم لەگەڵ سەرۆکی ئیتالیا سێرجیۆ ماتارێلا لە ڕۆما بۆ تاوتوێکردنی پەیوەندیی دۆستانه و مێژوویی له نێوان هەرێمی کوردستان، عێراق و ئیتالیادا."
هەر لەو پەیامەیدا سەرۆکی هەرێم ئاماژە بەوە دەکات، جەختمان لەسەر، "خواستە هاوبەشەکانمان کردەوە بۆ پەرەپێدانی زیاتری پەیوەندییەکان لە بوارە جیاکاندا. سوپاسی ئیتالیام کرد بۆ پاڵپشتییە بەردەوامەکانی بۆ عێراق و هەرێمی کوردستان، لەوانەش ڕۆڵى له بوارى سیاسی، مرۆیی و گەشەپێداندا، لەگەڵ پێشکەشکردنی هاوکاریی سەربازی لە كاتى شەڕی دژی تیرۆردا."
بەگوێرەی ڕاگەیێندراوی سەرۆکایەتیی، لە کۆبوونەوەکەدا، "پەرەپێدانی پەیوەندیى دۆستانهى هەرێمی کوردستان و عێراق لەگەڵ ئیتاڵیا تاوتوێ کرا و هەردوولا جەختیان لەسەر خواستی هاوبەشیان بۆ بەهێزکردنی زیاتری ئەم پەیوەندییانە لە بوارە جیاجیاکاندا کردەوە."
لایخۆیەوە سەرۆک نێچیرڤان بارزانی، "سوپاس و پێزانینی هەرێمی کوردستان و عێراقی بۆ پشتيگريى بەردەوامی ئیتاڵیا دووپات کردەوە، بەتایبەتى لەڕووى سیاسی، مرۆیی و گەشەپێدانهوه، ههروهها هاوکاریی سەربازیی ئیتاڵیاى لە ماوەی شەڕی دژی تیرۆردا بۆ هەرێمی کوردستان و عێراق، بهرز نرخاند".
لە بەرامبەردا سهرۆك ماتارێلا، "خۆشحاڵیی خۆی به سهردانهكه دەربڕی و جەختی لە پابەنديی وڵاتەکەی بۆ پشتگيرى له ئارامی، سەقامگیری و گەشەپێدانی عێراق و هەرێمی کوردستان کردەوە. ههروهها ستايش و پێزانينى ئيتاڵياى بۆ هەرێمی کوردستان وهك پارێزەر و لانکەی پێكهوهژيان و پێکهاتە جیاوازەکان لە ناوچەکەدا، دووپات كردهوه."
لەو ڕاگەیێندراوەدا ئاماژە بەوەش کراوە، تاوتوێکردنی دوایین پێشهاتەكانى ڕۆژههڵاتى ناوهڕاست، تهوهرێكى ديكهى كۆبوونهوهكه بوو. لهمبارهيهوه هەردوولا هاوڕا بوون لەسەر گرنگیی پاراستنى ئاشتى و سهقامگيرى.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment