سەرۆک نێچیرڤان بارزانی ده‌ستخۆشی لە پاڵەوانی نێودەوڵەتی نامۆ فازڵ دەکات کوردستانی

نوچە نێت:

سەرۆکی هەرێمی کوردستان لەگەڵ یاریزانی بەتوانای کورد نامۆ فازڵ کۆبووەوە و لە نزیکەوە دەستخۆشی و پیرۆزبایییەکی گەرمی ئاراستەی ئەو یاریزانە کرد بۆ ئەو دەستکەوتە نێودەوڵەتییە باڵایە و پاڵپشتیی خۆی بۆ گەنجان و وەرزشوانانی کوردستان دووپات کردەوه‌.

پاشنیوه‌ڕۆی ئەمڕۆ دووشەممە (2026/5/25) سەرۆک نێچیرڤان بارزانی، سەرۆکی هەرێمی کوردستان، پێشوازیی لە پاڵەوانی نێودەوڵەتی و گەنجی بەتوانای کورد نامۆ فازڵ کرد کە ئەم دوایییانە سەرکەوتنێکی گەورەی لە یاریی "هونەرە جەنگییە تێکەڵاوەکان" (MMA)دا لە ئەمه‌ریکا بەدەست هێنابوو.

بەگوێرەی ڕاگەیێندراوی سەرۆکایەتیی هەرێمی کوردستان لە کۆبوونەوەکەدا، سەرۆک نێچیرڤان بارزانی، "لە نزیکەوە دەستخۆشی و پیرۆزبایییەکی گەرمی ئاراستەی نامۆ فازڵ کرد بۆ ئەو دەستکەوتە نێودەوڵەتییە باڵایە و پاڵپشتیی خۆی بۆ گەنجان و وەرزشوانانی کوردستان دووپات کردەوه‌، هەروەها هیوای بەردەوامی و سەرکەوتنی زیاتری بۆ خواست لە کاروانی وەرزشییدا."

لای خۆیەوە، پاڵەوانی نێودەوڵەتی نامۆ فازڵ، "خۆشحاڵیی خۆی بە پێشوازی و دیداری سەرۆک نێچیرڤان بارزانی دەربڕی و سوپاس و پێزانینی خۆی و وەرزشوانانی بۆ ئەو پاڵپشتی و هاندانە بەردەوامەی به‌ڕێزیان دووپات کردەوە."

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین