سەرۆک بارزانی: ئەرکی سەرەکیی پارتی خزمەتکردنی گەلی کوردستانە
نوچە نێت:
ڕۆژی یەکشەممە (2026/08/16) سەرۆک مەسعود بارزانی، سەرۆکی پارتی دیموکراتی کوردستان بەبۆنەی یادی (16)ـی ئاب، پەیامێکی بڵاوکردەوە و پیرۆزبایی ئاڕاستەی خانەوادەی شەهیدان، پێشمەرگە و سەرجەم خەڵکی کوردستان دەکات.
لە پەیاماکەیدا، سەرۆک بارزانی ئاماژە بە مێژووی دامەزراندنی پارتەکەی دەکات و دەڵێت، "پارتی لەپێناو گەڕاندنەوەی هیوا و هێز بۆ گەلی کوردستان لە سەردەمێکی سەخت و دژواردا دامەزرا". هەروەها گوتیشی، "پارتی قوتابخانەی تێکۆشەر و شۆڕشگێڕانی کوردستان بووە و لە هەموو قۆناغەکاندا بەرگریکارێکی سەرسەختی مافە ڕەواکانی گەلی کوردستان بووە".
سەرۆکی پارتی دیموکراتی کوردستان جەخت لەوە دەکاتەوە کە پارتی بڕوای پتەوی بە پێکەوەژیان، برایەتی و تەبایی نێوان هەموو پێکهاتەکان و سەرجەم لایەنە سیاسییەکانی کوردستان و عێراق هەیە و دەشڵێت، "پرەنسیبی هاوبەشی و ڕێزگرتن لە دەستوور بە زامنی سەقامگیری، ئارامی و بووژانەوە لە هەموو عێراقدا دەزانێت".
سەرۆک بارزانی بۆ جەماوەر و پارتەکەی ڕایگەیاند، "پارتی سەرچاوەی هێزی گەلی کوردستانە؛ ئەرکی سەرەکیی پارتی خزمەتکردنی گەلی کوردستانە و پشت بە خوای گەورە و ئیڕادە و هیمەتی ئێوە و هەموو خەڵکی کوردستان، هیچ کۆسپ و ئاستەنگێکی ناتوانێت ڕێگر بێت لەبەردەم ئەم ئەرکە پیرۆزەدا".
هاوکات هەر لە پەیاماکەیدا، سەرۆک بارزانی یادی ئەو شەهید، پێشمەرگە و تێکۆشەرانە بەرز ڕادەگرێت کە لە خەباتی پارتیدا قوربانییان داوە و پێزانینی خۆی بۆ ڕۆڵی کادیران و جەماوەری پارتەکەی دەردەبڕێت و دەڵێت، "لە هەموو بارودۆخێکدا پشتیوانی پارتەکەیان بوون و مێژوو و شانازییان بە گەلەکەیان تۆمار کردووە".
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment