كاتی هەڵوەشاندنەوەی هێزەکانی یەپەگە و هەسەدە ڕاگەیێندرا
نوچە نێت:
ئەمڕۆ یەکشەممە (16/8/2026) مەحموود بەرخودان، بەرپرس لە هێزەکانی سووریای دیموکرات (هەسەدە) لە کۆبانێ ڕایگەیاند، لە چەند ڕۆژی داهاتوودا هەڵوەشاندنەوەی هەریەک لە یەکینەکانی پاراستنی گەل (یەپەگە) و هەسەدە رادەگەیەنین و چیتر قەوارەیەک بە ناوی خۆبەڕێوەبەرییەوە نامێنێت، چونکە ئێستا دانوستانەکان لەگەڵ حکوومەتی دیمەشق بۆ تێکەڵبوونەوەی سەربازی گەیشتووەتە قۆناغی کۆتایی و (99%)ی کێشەکان چارەسەر کراون و نزیکەی (10) بۆ (12) هەزار شەڕڤان تێکەڵ بە سوپای سووریا بوون و پرۆسەی ڕادەستکردنەوەی دامەزراوە گشتییەکان و بیرە نەوتەکان بە دیمەشق لە قۆناغی کۆتایی دایە.
مەحموود بەرخودان گووتیشی، بڕیارە لە دەستووری نوێدا مافی هەموو پێکهاتە نەتەوەیی و ئایینییەکان بپارێزێت و ڕێز لە مافەکانیان بگیرێت. جێگای ئاماژەیە کە هێزەکانی سووریای دیموکرات (هەسەدە) بە پێشەنگایەتیی یەکینەکانی پاراستنی گەل (یەپەگە) لە ساڵی (2015) دامەزرا و کۆنترۆڵی ناوچەیەکی بەرفراوانی باکوور و رۆژهەڵاتی سووریای کرد. لە ماوەی رابردوودا ئەم هێزانە بە پاڵپشتیی ئەمریکا شەڕی چەکدارانی داعشیان کرد و قەوارەی خۆبەڕێوەبەرییان ڕاگەیاند.
هاوکات دوای گۆڕانکارییە سیاسییەکانی ناوچەکە و دەستپێشخەرییەکانی تایبەت بە پرۆسەی ئاشتی لە ناوخۆی تورکیا و ئاساییکردنەوەی پەیوەندییەکانی نێوان ئەنقەرە و دیمەشق، گوشارێکی زۆر کەوتە سەر هەسەدە بۆ رێککەوتن لەگەڵ حکوومەتی ناوەندی، ئەمەش پێشهاتێکی نوێیە و دوای زنجیرەیەک گفتوگۆی چڕ دەستیپێکرد کە بۆ ڕێکخستنەوەی دۆخی سووریا و کۆتاییهێنان بە فرەیی هێزە چەکدارەکان هاتبووە ئاراوە. بۆیە ئێستا هەڵوەشاندنەوەی ئەو هێزانە وەک هەنگاوێک دەبینرێت بۆ گێڕانەوەی سەروەریی تەواوەتی بۆ سووریا لە چوارچێوەی یەک سوپا و یەک وڵاتدا.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment