ئێران و ئەمەریکا بە مووشەک وەڵامی یەکتر دەدەنەوە
نوچە نێت:
ئەمڕۆ چوارشەممە (9/9/2026) لە وەڵامی ئەو هێرشانەی کە سوپای پاسداران لە ماوەی دوو رۆژی رابردوودا لە دوو هێرشی جیاوازدا، لە ڕێگەی مووشەکی بالیستییەوە کەشتییەکی جەنگیی سەر بە هێزی دەریایی ئەمریکای کردبووە ئامانج؛ فەرماندەیی ناوەندیی هێزەکانی ئەمەریکا سێنتکۆم ڕایگەیاند، هێزەکانیان پێنج کەشتیی نەوتهەڵگری ئێرانیان تێکشکاندووە و کەشتییە جەنگییەکەی ئەمەریکاش توانیویەتی بە سەرکەوتوویی لە هەوڵی هێرشە ئێرانییەکان دەربازی ببێت و بەرپەرچیان بداتەوە؛ هەروەها کەشتییەکە بەبێ راوەستان لە ئەرکە مەیدانییەکانی بۆ هاتوچۆکردن لە ئاوەکانی ناوچەکە بەردەوامە. هاوکات لە ئەنجامی ئەو هێرشە مووشەکییانەی ئێراندا هیچ زیانێک بەر هێزەکان و کارمەندانی سوپای ئەمەریکا نەکەوتووە و هیچ سەربازێک بریندار نەبووە.
لە بەرانبەر هێرشەکانی ئەمەریکادا سوپای پاسداران ئاماژەی بەوە دا، هێزەکانی سەر بە هێزی ئاسمانیی سوپای پاسداران، ئۆپەراسیۆنی تۆڵەکردنەوەیان دەستپێکردووە و بە بەکارهێنانی مووشەکی بالیستیی پێشکەوتوو، بە شێوەیەکی راستەوخۆ شوێنی فڕۆکە جەنگییەکانی جۆری (F-35، F-16 و F-15)ی سوپای ئەمەریکا لە بنکەی ئەزرەق لە ئوردن پێکراون و زیانێکی زۆر بە کەلوپەل و ژێرخانی سەربازیی ئەو بنکەیە گەیشتووە. پاسداران گووتیشی، کە ئێمە لە جەنگێکی یەکلاکەرەوەداین لە دژی ئەمەریکا، بۆیە تا ڕاگرتنی تەواوەتیی هەموو دەستدرێژییەکانیان هێرشەکانی ئێمەش بەردەوام دەبێت.
بە گوێرەی دوایین ئەو زانیارییانەی لەبارەی دانوستاندنەکانی نێوان ئەمەریکا و ئێران هەیە، ئێستا هیچ ئاماژەیەکی ڕوون بۆ دەستپێکردنەوەی دانوستانێکی نوێ لە ئارادا نییە و بەپێی نوێترین پێشهاتەکانیش بێت پڕۆسەی دانوستاندن بە فەرمی گەیشتووەتە بنبەست یان بە تەواوی هەڵپەسێردراوە، ئەمەش دوای ئەو هۆشدارییە ڕوونانەی ئەمەریکا دێت کە بە ئێرانی دابوو لەبارەی ئاگربەستەوە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment