سهرۆك نێچیرڤان بارزانى بۆ دهرچووانى زانكۆ: دڵسۆز و دەستپاك بن بۆ وڵاتی خۆتان
نوچە نێت:
ڕۆژی پێنجشهممه (17-9-2026) سەرۆك نێچیرڤان بارزانى، سهرۆكى ههرێمى كوردستان، له دهۆك بهشداریى له ڕێوڕهسمى دهرچوونى خولى حهوتهمى زانكۆى ئهمهریكیى كوردستاندا كرد كه به ئامادهبوونى مهسروور بارزانى، سهرۆكى حكوومهتى ههرێمى كوردستان، شێخ جەعفەر شێخ مستەفا جێگری سەرۆکی هەرێمی کوردستان و دایكوباوك و كهسوكارى دهرچووان و ژمارهیهكى زۆر له میوانان، بهڕێوه چوو.
سەرۆكی هەرێمی كوردستان لە ڕێوڕەسمەكەدا گوتارێكی پێشكەشكرد و گووتی، "تەكنەلۆژیا چەند پێشبكەوێ، بەڵام هەندێ بەها هەیە نابێت بگۆڕێن وەك: دەستپاك بن، دڵسۆز بن" هاوكات داوای لە قوتابیان كرد، خزمەتی زیاتر خەڵك و وڵاتی خۆیان بكەن.
دەقی گوتارەكەی سهرۆك نێچیرڤان بارزانى سەرۆكی هەرێمی كوردستان:
دەرچوویێن خۆشتڤى،
کەسوکارێن وان یێن ڕێزدار،
ڕێزداران سەرۆک و مامۆستایێن زانکۆیا ئەمهریکی یا کوردستانێ،
ئامادەبوویێن هێژا،
گەلەک دلخۆشم کو ڤێ ئێڤاریێ دگەل هەوەمە داکو پێکڤە بهشدارییا شادى و ڕێورەسمێن دەرچوونا خولا حەفتێ یا زانکۆیا ئەمهریکی یا کوردستانێ و (122) گەنجێن هەرێما کوردستانێ، عیراقێ و دەڤەرێ، بکەین.
ژ دل پیرۆزباهیێ ل هەوە، ل مالباتێن هەوە، ل مامۆستایێن هەوە و ل هەمی وان کەسا دکەم یێن کو پشتەڤانێن هەوە بووین هەتا هوین گەهشتینە ئەڤرۆ و ههوه چەندین بهشێن گرنگ یێن زانکۆیێ ب دویماهی ئیناین.
دەرچوون نە دویماهییا فێربوونێیە، بەلکى دەستپێکا قۆناغەکێیە کو تێدا بەرپرسیارییا هەوە بەرامبەر ههلبژاردهیێن هەوە و بەرامبەر ڕۆڵ و کارتێکرنا هەوە ل سەر جڤاکێ و وەلاتێ هەوە، زێدەتر و مەزنتر دبیت. لەوما ڤێ ئێڤاریێ من دڤێت هندەک بەحسێ وێ بەرپرسیاریێ بۆ هەوە بکەم.
جیلێ مە د قۆناغەکا گەلەک گران و دژوار یا دیرۆکا کوردستانێ ڕا دەرباز بوو. ل هەمبەر بەرپرسیارییا پاراستن، ئاڤەدانکرن، جێگیرکرنا دهزگههـ و سازییان و ڤەکرنا دەرگەهێن وەلاتی بووین؛ بهسهر دەڤەرێ و جیهانێدا. گەلەک دەستکەفتێن مەزن هاتینە بدەستڤەئینان کو جهێ شانازییا مە هەمییانە، لێ گەلەک كار ژی ماینە کو ئەرکێ هەوە و جیلێ داهاتییە، ئەنجام بدەن.
وەلاتێ بهێز، نه ئەو وەلاتە یێ شاشیێ ناکەت. وەلاتێ بهێز ئەوه یێ کو دشێت شاشى یێن خۆ ببینیت، دانوستاندنێ ل سەر بکەت، ژ وان فێر ببیت و وان ڕاستڤهكهت و بهرهڤ داهاتى بچیت.
پەیاما زانکۆیێ نە ئەوە بتنێ هەوە فێر بکەت کا دێ چەوا بەرسڤا پرسیاران دەن. بەلکى ههوه فێر دکەت کا دێ چەوا ل دویڤ ڕاستیێ گەڕیێن و تشتا باشتر لێ بکەن. وە بکەت كو ب ئەقڵێ خۆ هزر بکەن، پرسیارا بکەن، دویڤچوونێ بکەن و ب بەرپرسیاریڤە بۆ چێکرن و باشترکرنێ، ڕەخنێ بگرن. چونکی ڕەخنا بەرپرسانه، کوردستانێ بێهێز ناکەت، بەلکى دێ كوردستانێ پێش ئێخیت.
دەرچوویێن خۆشتڤی،
دلسۆزییا دروست بۆ وهلاتێ مه، ڕێزگرتن ل خوینا شەهیدان، ل خەبات و تێکۆشانا پێشمەرگێت قههرهمانێت مه كو ئهڤرۆ ب سایێ سهرێ خهباتا وان ئەم گەهاندینە ئەڤرۆ، هەروەسا ڕێزگرتن ل وێ چەندا هەتا نوکە هاتییە ئاڤاکرن، بتنێ ب پاراستن و هێلانا وێ وەکی خۆ نابیت، بەلکى ب وێ چەندێ دێ بیت ڕێزێ لێ بگرن کو هوین باشتر بکەن. دلسۆزییا دروست ئەوە کو دەستکەفتێن باش بپارێزین و دهسكهفتێن دیتر باشتر لێ بکەین.
ڕێزگرتن ل خەباتا جیلێ بەری نۆکە، نە ئەوە هوین بتنێ کۆپییا جیلێ بهرێ بكهن. بەرپرسیارییا هەوە، ئەوە كو هوین وا تشتا ببینن یێن مە نەدیتی، وان چارەسەرییا ببینن یێن مە نەدیتی و وا تشتا ئاڤا بکەن یێن ئهم نەشیاینه ئاڤا بکەین. ئەڤ چەندە ژی د جیهانەکێدا کو گەلەک بلەز یا دهێتە گوهۆڕین، گەلەک یا بنەڕەتییە.
تەکنەلۆژییا پێشکەفتی، (ئهى ئاى)، شێوازێ فێرکرنێ، کارکرنێ، ئابووریێ، نۆژداریێ و گەلەک بابەتێن دی یێن کو ئەڤرۆ نه د هزرا مهدانه، دێ گوهۆڕیت. چێنابیت ئەم بتنێ بكارهێنهرێت ڤێ پێشکەفتنا تەکنەلۆژی بین، بەلکى دڤێت ب زانست و ڤەکۆلین و داهێنانێ، بهشداریێ تێدا بکەین.
لەوما تەکنەلۆژیا و (ئهى ئاى) بکار بینن و پێش بێخن، لێ وا پرسان نهدهنه دهستێت وێ یێن کو دڤێت بتنێ وەک بەرپرسیارییا مرۆڤا بمینن: ویژدان، بڕیاردانا ئەخلاقی و هەلگرتنا بەرپرسیارییا بڕیارێ. ئەڤ بەهایە نە تشتهكێ وهسانه كو بدهنه دەستێ ئامیران، بەلکى ناڤەڕۆک و جەوهەرێ مرۆڤاهییا هەوەنە.
دەرچوویێن هێژا،
تەکنەلۆژیا هەرچەندە پێش بکەڤیت، هندەک بەها هەنە چ جاران ناهێنه گوهۆڕین: وەکى کو دڤێت هوین دەستپاك بن، دلسۆز بن بۆ بەرپرسیاریێن خۆ و زانینا خۆ بکەنە خزمەت و مفا بۆ خەلک و بۆ وەلاتێ خۆ، بۆ گەشەپێدانا فرەڕهنگیێ و بۆ پێکڤەژیانێ و بۆ ئاشتیێ د وهلاتێ مهدا.
سامانێ دروست د هزر و مهژیێ هەوەدایە، نە ل بن عەردی. سەرکەفتنا کەسی؛ یا گرنگە، لێ هنگى بەهایەکێ مەزنتر وەردگریت کو بێتە گوهۆڕین بۆ زانینێ، بۆ پرۆژەیان، یان بۆ چارەسەرکرنا ئاریشەیەکا جڤاکێ. سەرکردە بن، نە ب پۆست و ناڤونیشان، بەلکى ب بەرپرسیاری و پێشەنگبوونێ د کریارێدا.
ئەم دێ چین و سوبەهی هوین دێ هێن، بێگومان گهلهك تشت ل ڤى وهلاتى هاتینه كرن، لێ ئەم کوردستانەکا تەمام و بێ کێماسی ڕادەستی هەوە ناکەین. ئەوا ئهم ڕادەستی هەوە دکەین، ئەو بهشه یا جیلێ مە شیای ئاڤا بکەت، ب سەرکەفتن و ب ههمى کێماسییاڤە، دێ ڕادهستى جیلێ پشتى خۆ كهت.
ژ بەر هندێ، دەستکەفتێن جیلێ مە، نەکەنە سنوورێ خەون و ئارمانجێن جیلێ خۆ. زانینێ بەرهەم بینن، پرۆژە و کارێن نوى ئاڤا بکەن، تەکنەلۆژیایێ پێش بێخین و ژینگەهێ بپارێزن، پێگیری دەمى و ڕەوشتا کاری بن، داکو پێکڤە کوردستانێ ببەینە قۆناغا بەرهەمهێنان، داهێنان و كێبركێ دگهل جیهانێ.
ههروهسا تشتەکی ژی بپارێزن کو ڕەنگە کێمتر دیار بیت، لێ کارتێکرنا وێ؛ بۆ ههردهمهكێ ههیه:
مافێ هەوە یێ پرسیارکرنێ، جوداهییا بیروبۆچوونا و ڕەخنەگرتنێ، دگەل پاراستنا مافێ وی کەسێ ل تەنشت هەوە ڕاوەستای دهما کو دبێژیتە هەوە: ڕەنگە هوین شاش بن و ئهو بۆچوون یا دروست نهبیت.
مه دڤێت هوین کوردستانەکێ ئاڤا بکەن کو تێدا هەر جیلهك بشێت دویرتر ژ جیلێ بەری خۆ بنێڕیت، بۆ وان کەسا ژى یێن پشتی وی تێن، وەلاتێ خۆ ژ دهما بهرى خۆ باشتر بكهت. ئەڤە بەرپرسیارییا هەوەیە، ئەڤە ژی باوەرییا مه یا موکومه ب هەوە. ئهڤه ئهو دیتنه یا كو ئهڤ زانكۆیه ل سهر هاتیه ئاڤاكرن.
جارەکا دی پڕ ب دل پیرۆزباهیێ ل هەوە، ل هەمی گەنجێن دەرچوویێن کوردستانێ، ل خێزانێن هەوە، ل مامۆستایێن هەوە و ل زانکۆیا هەوە دکەم.
من دڤێت پیرۆزباهی و دەستخۆشییهكا گهرم ل برایێ خۆ یێ خۆشتڤى ڕێزدار مەسروور بارزانی ئهمیندارێ زانكۆیا ئهمهریكى یا كوردستانێ و ڤیژنا وی بكهم یا كو ئهڤرۆ ئهم دبینین بۆ دامەزراندنا ڤێ زانکۆیێ و پێشکەفتنا وێ جهێ ڕێز و پێزانینهكا زۆره. هیڤییا پاشەرۆژەکا پڕ سەرکەفتن و پڕ بهرههم بۆ هەوە دخازم.
ههمى لایهك جارهكا دى ب خێر بێن سهر چاڤا و زۆر سپاس.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment