سەرۆکی هەرێمی کوردستان پێشوازی لە باڵیۆزی نوێی سویسرا دەکات کوردستانی

نوچە نێت:

سەرۆکی هەرێمی کوردستان بەبۆنەی دەستبەکاربوونی پێشوازی لە باڵیۆزی نوێی سویسرا لە عێراق کرد، لەبەرامبەردا باڵیۆزی نوێی سویسرا خۆشحاڵیی خۆی بە دەستبەکاربوونی لە عێراق دەربڕی و جەختی لە، "خواستی وڵاتەکەی بۆ پەرەپێدانی پەیوەندییەکانى لەگەڵ عێراق و هەرێمی کوردستان و فراوانکردنی هاوکاریی هاوبەشى نێوانيان کردەوە."

بەیانیی ئەمڕۆ دووشەممە (2026/9/28) لە ڕاگەیێندراوێکدا سەرۆکایەتیی هەرێمی کوردستان رایگەیاند، سەرۆک نێچیرڤان بارزانی، سەرۆکی هەرێمی کوردستان، لە کۆبوونەوەیەکدا لەگه‌ڵ پیتەر نێڵسۆن، باڵیۆزی نوێی سویسرا لە عێراق، پیرۆزبایيی دەستبەکاربوونی لێ كرد و هیوای سەرکەوتنی بۆ خواست، هه‌روه‌ها خواستى هەرێمی کوردستانی بۆ برەودان بە پەیوەندییەكان دووپات کردەوە و سوپاسى پشتیوانیی سویسرای بۆ عێراق و هه‌رێمى كوردستان كرد.

بەگوێرەی ڕاگەیێندراوێکی سەرۆکایەتیی هەرێم لای خۆیەوە، باڵیۆزی نوێی سویسرا خۆشحاڵیی خۆی بە دەستبەکاربوونی لە عێراق دەربڕی و جەختی لە خواستی وڵاتەکەی بۆ پەرەپێدانی پەیوەندییەکانى لەگەڵ عێراق و هەرێمی کوردستان و فراوانکردنی هاوکاریی هاوبەشى نێوانيان کردەوە.

هەروەها هەر لەو ڕاگەیێندراوەدا ئاماژە بەوەش کراوە، دۆخی عێراق و هه‌رێمى كوردستان و دوايين پێشهاتەکانی ناوچەکە، تەوەرێکی دیکەی کۆبوونەوەکە بوو.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین