سەرۆک نێچیرڤان بارزانی: جەخت لە پشتیوانی بەردەواممان بۆ پاراستنی مافە کولتورییەکانی پێکهاتەی تورکمان دەکەینەوە کوردستانی

نوچە نێت

سەرۆکی هەرێمی کوردستان، بە بۆنەی ڕۆژی زمان و کولتووری تورکمانی پیرۆزبایی لە تورکمانانی کوردستان و عێراق دەکات و دەڵێت، "جەخت لە پشتیوانیی بەردەواممان بۆ پاراستن و گەشەپێدانی زمان، ڕۆشنبیری و مافە کولتورییەکانی پێکهاتەی تورکمان و سەرجەم پێکهاتەکان دەکەینەوە".

ئەمڕۆ سێشەممە (2026/11/17) سەرۆک نێچیرڤان بارزانی، سەرۆکی هەرێمی کوردستان، لە پلاتفۆرمی (ئێکس) ڕایگەیاند، "ئەمڕۆ بە بۆنەی ڕۆژی زمان و کولتووری تورکمانییەوە، بە گەرمی پیرۆزبایی لە هەموو هاووڵاتییانی تورکمان لە کوردستان و عێراق بەگشتی دەکەم".

هەروەها لەبارەی تورکمانەکانەوە سەرۆک نێچیرڤان بارزانی دەشڵێت، "بە ڕێز و پێزانینەوە لە ئامادەیی و ڕۆڵی مێژوویی و کولتووریان دەڕوانین".

بۆ پێکەوەژیانی نەتەوە و سەرجەم پێکهاتەکان لە هەرێمی کوردستان، سەرۆکی هەرێمی کوردستان ڕایگەیاند، "جەخت لە پشتیوانی بەردەواممان بۆ پاراستن و گەشەپێدانی زمان، ڕۆشنبیری و مافە کولتوورییەکانی پێکهاتەی تورکمان و سەرجەم پێکهاتەکان دەکەینەوە وەک بنەمایەکی سەرەکیی پێکەوەژیان لە هەرێمی کوردستان".

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین