كۆمسیۆن له‌ كوردستان به‌ تیروپشك 40 هه‌زار كارمه‌ندى ده‌وێ کوردستانی

سیهام میران، تایبه‌ت به‌ نوچه‌نێت

حوسێن رەقیب، بەرپرسی دەستەی هەڵبژاردنەکانی کوردستان لە لێدوانێکی بۆ نوچەنێت ئاشکرای کرد بۆ هەڵبژاردنی پێشوەختەی عێراق کۆمسیۆنی هەڵبژاردنەکان پێویستی بە ٤٠ هەزار کارمەندی هەڵبژاردن دەبێت و سەرەتای هەفتەی داهاتووش ناونوسین دەستپێدەکات و هه‌ڵبژاردنى ناوچه‌كان به‌ تیروپشك ده‌بێت.

ئەمرۆ سێشەمە ١٨ی ئایار، حوسێن رەقیب، بەرپرسی دەستەی هەڵبژاردنەکانی کوردستان لە لێدوانێکی بۆ نوچەنێت لە بارەی چاودێریکردنی کارمەندانی سندووقەکانی دەنگدان گووتی، "لە پارێزگای هەولێر پێویستمان بە ١٤هەزار کارمەند دەبێت، لە پارێزگای سلێمانی پێویستمان بە ١٦هەزار کارمەند و لە پارێزگای دهۆکیش ١٠ هه‌زار کارمەندمان دەوێت."
سەبارەت بە کاتی کاراکردنی فۆرمەکە حوسێن رەقیب گووتی، " وەکو کۆمسیۆن رۆژی یەکشەمە ٢٣ی ئەم مانگە  لە ماڵپەری فەرمی کۆمسیۆن فۆرمی بەشداری کردن بەردەست دەبێت، هاووڵاتیان دەتوانن ئەو فۆرمە پڕبکەنەوە  بە مەرجێك فەرمانبەری حکومی بێت یاخود ئاستی خوێندنی سەرووی ئامادەی بێت یاخود قوتابی زانکۆ بێت و بێ لایەن بێت ناو ئەو فۆرمە کۆمەڵی زانیاری دانراوە زانیارییەکان تۆماردەکرێن پاشان کۆمسیۆن لە وادەیەکی نزیك بەرێگای ئۆنلاین تیروپشکیان بۆ دەکات ئەوەندە کارمەندەی کە پێویستمانە ناوەکەیان لە تیروپشکەکە رادەکێشین".
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین