ئەمڕۆ ماوەی كوژاندنەوەی پێوەری زیرەكی كارەبا كەم دەكرێتەوە کوردستانی

لاڤین عومه‌ر، تایبه‌ت به‌ نوچه‌نێت

وەزارەتی كارەبا رایگەیاند، لەمڕۆوە ماوەی كوژاندنەوەی پێوەری زیرەكی كارەبا كەم دەكرێتەوە و ئەندازیاری سەرپەرشتیاری پڕۆژەی پێوەری زیرەك بۆ "نوچەنێت" روونكردنەوە لەسەر بابەتەكە دەدات.

دوێنێ‌ وەزارەتی كارەبا راگەیاند، ماوەی كوژاندنەوەی پێوەری زیرەكی كارەبا، لە 27ی ئەم مانگەوە لە 45 خولەكەوە بۆ 20 خولەك كەم دەكرێتەوە و هەر پێوەرێك 40 ئەمپێر كارەبا بە هاوبەشی ماڵان دەدات. 
عەلی ئیسماعیل ئەندازیار لە پڕۆژەی پێوەری زیرەك ئەمڕۆ سێشەممە 27ی تەمووز لە لێدوانێكی تایبەت بە "نوچەنێت" روونكردنەوەی دا و گوتی، "ئەو پێوەرانەی کە ئێستا بەستراون هەر کاتێک کارەبای زیاتر بەکاربهێنیت پێنج جار دەکوژایەوە، چوار جاریش بۆ ماوەی ١٣٠ خولەک دەکوژێتەوە، جاری کۆتایی بۆماوەی ٤٥ خولەک دەکوژێتەوە، ئێستا پێوەرەکان وا دلیت دەکەین، کوژانەوەکە دەبێت بە سێ جار یەکەم ودووەم جار ٢٥٠ چركە  دەکوژێتەوە، بەڵام بۆ جاری سێیەم بۆ ٢٠ خولەک دەکوژێتەوە و ئەمە پڕۆسەكەیە".
لەكۆتایی لێدوانەكەی عەلی ئیسماعیل گوتیشی، "لە هەمان كاتدا ئەگەر کارەباکە ٤٠ ئەمپێر بوو ٤١ ئەمپێر ڕاکێشێت بۆ ماوەی ٤٥ چركە دەكوژێتەوە، ئەوە جیاوازییەکەیە"
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین