نێچیرڤان بارزانى: هه‌رگیز هاوسۆزی و پشتگیریى جۆن مێجەر لەبیر ناکەین کوردستانی

نوچەنێت:

نێچیرڤان بارزانى، سەرۆکى هەرێمى کوردستان، لە لەندەن پێشواز لە جۆن مێجه‌ر سیاسه‌تمه‌دار و سه‌رۆك وه‌زیرانى پێشووترى به‌ریتانیا و دۆستى گه‌لى كوردستان كرد، سەرۆکى هەرێمى کوردستان بە ناوى گەلى کوردستان سوپاسى هەڵوێستى جۆن مێجەرى کرد.

لە درێژەى سەردانییەکەى بۆ بەریتانیا، نێچیرڤان بارزانى لەگەڵ جۆن مێجه‌ر سیاسه‌تمه‌دار و سه‌رۆك وه‌زیرانى پێشووترى به‌ریتانیا کۆبووەوە، کە تێیدا، "سه‌رۆك نێچیرڤان بارزانى سوپاس و پێزانینى گه‌لى كوردستانى بۆ به‌ڕێز جۆن مێجه‌ر دووپات كرده‌وه‌ بۆ ئه‌و پشتیوانى و هاوكارییه‌ى نه‌وه‌ده‌كانى سه‌ده‌ى ڕابردوو له‌ ڕۆژانى ته‌نگانه‌دا پێشكه‌شى كرد و به‌ هاناى گه‌لى كوردستانه‌وه‌ هاتن كه‌ له‌ ئه‌نجامدا بڕیارى 688ى نێوده‌وڵه‌تى ده‌رچوو و ناوچه‌ی‌ نه‌فڕین و نه‌واى ئارام بۆ گه‌لى كوردستان دامه‌زرا." 

 بەپێى ڕاگەیێندراوى سەرۆکایەتیى هەرێم، لە کۆبوونەوەکەدا، "سه‌رۆك نێچیرڤان بارزانى گوتى: گه‌لى كوردستان هه‌رگیز هاوسۆزی و دۆستایه‌تیى جه‌نابتان و گه‌ل و حكوومه‌تى به‌ریتانیا و وڵاتانى دیكه‌ى دۆست له‌ بیر ناكات و هه‌میشه‌ به‌ ڕێز و پێزانینه‌وه‌ له‌ هاوكارى و پشتگیریتان و له‌ بایه‌خدانی به‌رده‌وامتان به‌ دۆزه‌ ڕه‌واکه‌ی ده‌ڕوانێت."

هەروەک لە ڕاگەیێندراوى سەرۆکایەتیى هەرێم دا هاتووە، "لاى خۆیه‌وه‌ به‌ڕێز جۆن مێجه‌ر سۆز و خۆشه‌ویستیى خۆى بۆ گه‌لى كوردستان دووپات كرده‌وه‌ و هیواى سه‌ركه‌وتنى بۆ گه‌ل و ئه‌زموونى هه‌رێمى كوردستان خواست."

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین