نێچیرڤان بارزانى: جه‌خت له‌گرنگیى و ڕۆڵى زانایان و قووڵكردنه‌وه‌ى پێكه‌وه‌ژیانى ئاشتییانه ده‌كه‌ینه‌وه
نوچەنێت:
ئەمڕۆ سێشەممە (21)ى ئەیلوولى (2021)، نێچیرڤان بارزانى، سەرۆکى هەرێمى کوردستان، لە ساڵیادى دامەزراندنى یه‌كێتیى زانایانى ئایینى ئیسلامیی كوردستان ڕایگەیاند، "له‌م یاده‌دا جه‌خت له گرنگیى ڕۆڵ و كاریگه‌رییان له پته‌وكردن و قووڵكردنه‌وه‌ى پێكه‌وه‌ژیانى ئاشتییانه له هه‌رێمى كوردستان ده‌كه‌ینه‌وه."
دەقى پیرۆزبایی سەرۆکى هەرێمى کوردستان بۆ یه‌كێتیى زانایانى ئایینى ئیسلامیی كوردستان:
له یادى 51 ساڵه‌ى دامه‌زراندنى یه‌كێتیى زانایانى ئایینى ئیسلامیی كوردستاندا، به گه‌رمى پیرۆزبایى له یه‌كێتیى زانایان و ئه‌ندامانى و ته‌واوى مامۆستایانى ئایینى ئیسلامی له كوردستان ده‌كه‌م، هیواى ته‌مه‌ندرێژى و سه‌ركه‌وتنیان بۆ ده‌خوازم.
ڕۆڵ و كاریگه‌ریى یه‌كێتیى زانایانى ئایینى ئیسلامیی كوردستان و كار و خه‌باتى زیاتر له نیو سه‌ده‌یان له خزمه‌تى ئایین و خه‌ڵكى كوردستان و بره‌ودان به گیانى نیشتمانپه‌روه‌رى و به‌ره‌نگاربوونه‌وه‌ى سته‌م و به‌رگریكردن له مافه‌كانى مامۆستایانى ئایینى، به‌رز و به ڕێزه‌وه ده‌نرخێنین، هه‌موو پشتگیرییه‌ک له مافه‌کانیان و باشترکردنی ژیان و گوزه‌رانیان ده‌که‌ین.
یه‌كێتیى زانایانى ئایینى ئیسلامیی كوردستان و مامۆستایانى ئایینى و پێگه‌یان له کۆمه‌ڵگه‌دا، ڕۆڵى كارایان له پاراستن و بڵاوكردنه‌وه‌ى گیانى ته‌بایى و لێبورده‌یى و یه‌كترقبووڵكردن و میانڕه‌وى و ڕه‌تكردنه‌وه‌ى توندوتیژى و به‌ره‌نگاربوونه‌وه‌ى توندڕه‌وى هه‌یه و له‌م یاده‌دا جه‌خت له گرنگیى ڕۆڵ و كاریگه‌رییان له پته‌وكردن و قووڵكردنه‌وه‌ى پێكه‌وه‌ژیانى ئاشتییانه له هه‌رێمى كوردستان ده‌كه‌ینه‌وه.
سڵاو و دروود بۆ گیانى پاكى ئه‌و مامۆستا به‌ڕێزانه ده‌نێرین كه له كاروانى خه‌باتى یه‌كێتیى زانایانى ئایینى ئیسلامیی كوردستاندا گیانیان به نیشتمان به‌خشى، سه‌ره‌خۆشى له خێزان و كه‌سوكارى به‌ڕێزى مامۆستایانى كۆچكردوو به نه‌خۆشیى ڤایرۆسى كۆرۆنا ده‌كه‌ین و هاوخه‌میانین، خواى مه‌زن گیانیان به به‌زه‌یى و میهره‌بانیى خۆى شاد بكات.
بۆ خزمه‌تى نیشتمان و داهاتوویه‌كى باشتر، په‌روه‌ردگار پشت و په‌ناى هه‌موومان بێت.
نێچیرڤان بارزانى
سه‌رۆكى هه‌رێمى كوردستان
2021/9/21
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment