جێگرى وەزیرى دەرەوەى ئەمەریکا: پەیوەندیى ئەمەریکا و هەرێمى کوردستان ستراتیژیى درێژخایەنە
نوچەنێت:
ئەمڕۆ ئێوارەى پێنجشەممە (30)ى ئەیلوولى (2021)، نێچیرڤان بارزانى، سەرۆکى هەرێمى کوردستان پێشوازى لە جینیفەر گاڤیتۆ، جێگرى یاریدەدەرى وەزیرى دەرەوەى ئەمەریکا بۆ کاروبارى عیراق و ئیران و شاندێکى یاوەرى کرد.
جینیفەر گاڤیتۆ، هەروەک لە ڕاگەیێندراوى سەرۆکایەتیى هەرێمى کوردستان دا هاتووە، "دووپاتى کردەوە کە ئەمەریکا بە بایەخەوە لە عیراق دەڕوانێت و پەیوەندیى ئەمەریکا لەگەڵ عیراق و هەرێمى کوردستان پەیوەندیى دۆستانە و هاوبەشییەکى ستراتیژیى درێژخایەنە."
لە کۆبوونەوەکەدا، جێگرى یاریدەدەرى وەزیرى دەرەوەى ئەمەریکا، پشتگیرى بەردەوامى وڵاتەکەى لە چاکسازییەکانى وەزارەتى پێشمەگە و ڕێکخستنەوەى هێزەکانى دووپات کردەوە و ڕاشیگەیاند، "ئەمەریکا لە بوارەکانى ئاسایش، وزە، ئابوورى، کولتوورى پەروەردەییشدا دەتوانێت هاوکار و هاوبەشى هەرێمى کوردستان بێت."
بەپێى ڕاگەیێندراوى سەرۆکایەتیى هەرێم، سەرۆک نێچیرڤان بارزانى، لە کۆبوونەوەکەدا، "سوپاسى بەردەوامیى پشتگیریى ئەمەریکاى لە هەرێمى کوردستان کرد و جەختى لە خواستى هەرێمى کوردستان بۆ برەودان بە پەیوەندییەکانى لەگەڵ ئەمەریکا و فراوانکردنى بوارەکانى هاریکاریى نیوانیان کردەوە."
دەشڵێت، سەرۆک نێچیرڤان بارزانى جەختى لە "دەرفەتى زیاترى کار و سەرمایەگوزارى و وەبەرهێنانى ئەمەریکى لە عیراق و هەرێمى کوردستان"، كردەوە.
سەبارەت بە هەڵبژاردنەکانى عێراق، سەرۆک نێچیرڤان بارزانى، گووتى: "هیوادارم هەڵبژاردن دەرفەتێکى دیکە بداتە هەموو هێز و لایەنە عیراقییەکان بۆ پێکەوە کارکردن و جێبەجێکردنى دەستوور و سیستمى فیدراڵى."
ڕاگەیێندراوەکەى سەرۆکایەتیى هەرێمى کوردستان روونیشیکردۆتەوە، لە کۆبوونەوەکەدا بابەتى "دیالۆگى ستراتیژیى عیراق و ئەمەریکا، دوایین پێشهاتە سیاسى و ئەمنییەکانى عیراق، ئاڵنگارییەکانى بەردەم وڵات، مەترسییەکانى تیرۆر، هەڕەشە و کردارەکانى داعش لە عیراق و ناوچەکە، ئەرکى هاوپەیمانیى نێودەوڵەتى لە عیراق، پەیوەندییەکانى هەولێر ـ بەغدا"، تاوتوێکرا.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment