دەیان سەگ بێگیان بوون و هۆکارەکەشی ئاشکرا نەکراوە
لاڤین عومەر: نوچەنێت
ئەمڕۆ( شەممە 12/ شوبات/ 2022) لەیلا عومەر، سەرۆکی شارەوانی سلێمانی رایگەیاند: زۆر بەداخەوە و زۆر دڵگرانین بەو کارەساتەی دوێنێ شەو لە شەڵتەری ئاژەڵانی بێلانە روویدا و کۆمەڵێک ئاژەڵ لەناوچوون، ئێمە وەک سەرۆکایەتی شارەوانی سلێمانی بڕیارماندا بە راگرتنی کاری کۆکردنەوە و وەرگرتنی ئاژەڵانی بێلانە.
توانا ئەمین، سەرۆکى کەمپەینی پاراستنى سەگەکانی شەڵتەرەکەی سلێمانییە دەڵێت " لاشەی 80 سەگی شەڵتەرەکەمان بینی، دڵتەنگ و توڕەین، تاوەکو دەرکەوتنی ئەنجامی لێكۆڵینەوەکان دەوەستین و دواتر هەڵوێستی توندی خۆمان دەبێت."
سەرۆکى کەمپەینی پاراستنى سەگەکان گوتی "ئەم شەڵتەرە وێرانەیە، یەک حەب، یەک مەقەست، یەک دەرمانى لێ نییە، بەشێک لە سەگەکان توشى نەخۆشى و گەڕى هاتوون، ئەم کەمپەینەمان بۆ ئەوەیە لێرە ژوورێکى پزیشکى و داودەرمانیان بۆ دروستبکەین."
سەرۆکی شارەوانی سلێمانی ئاماژەی بەوەش کردووە، ئێمە چەند کاتژمێرێکی کەم بەر لەو رووداوە و لە رۆژی پێنجشەممە 10-2-2022 دەستبەکار بووین، لەھەمان رۆژدا داوامان لە بەرپرسی شەڵتەرەکە کرد راپۆرتێکی کورت و پوختمان بۆ ئامادە بکات و پێشنیاز و داواکاریی پێداویستی و کەموکوڕییەکانی شەڵتەرەکەمان بۆ بکاتە پاکێجێک بۆ ئەوەی ئێمەش لای خۆمانەوە ھەرچیمان پێ بکرێت جێبەجێی بکەین.
لەبارەی گیان لەدەستدانی سەگەکانیشەوە لەیلا عومەر دەڵێت "ھەر ئەمڕۆ نوێنەر و بەرپرسی پەیوەندیدارمان راسپاردووە بەدواداچوونی پێویست بکات و چەند سامپڵ و نمونەیەک بنێردرێت بۆ پشکنین بۆ ڤێتەرنەری و تاقیگەی تایبەتمەند، بۆ ئەوەی ھۆکارەکانی ئەو کارەساتە دیاریی بکەین".
شەڵتەرەکەی سلێمانی، نزیکەی 500 سەگى تێدا کۆکراوەتەوە، رۆژانەش تیمێکى شارەوانی 20 تاوەکو 40 سەگ لە کۆڵانەکاندا دەگرن و دەیانبەنە ئەوێ. چالاکوانان و ئاژەڵدۆستان داوای هاریکاریی و دابینکردنى چارەسەر، دەرمان و پێداویستی پزیشکى بۆ سەگە بێلانەکانی شەڵتەرەکە دەکەن.
بە پێی قسەی ئاژەڵدۆستانی سلێمانی، گرفتى گەورەى ئەو سەگانە نەبوونی جێگەی مانەوەیە بۆ پاراستنیان لە سەرما و گەرما، چونکە بەجۆرێک دروستکراوە زیاتر لە پەرژین و زەوییەکى جیاکراوە دەچێت، هەر بۆیە بڵاوبوونەوەى نەخۆشیی لە سەگێک ئەگەری تووشبوونى سەتانى دیکەشى هەیە.
شارەوانیی سلێمانى سەرپەرشتیی ئەو پرۆژەیە دەکات، ئەوەش لەڕێگەى تیمێکى 30 کەسی لە پاسەوان، کارگوزار، شۆفێر و تیمى سەگ کۆکردنەوە.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment