پۆلیسى سلێمانى: له‌سه‌ر ڕووداوه‌كه‌ى شه‌وى ڕابردوو نۆ کەس ده‌ستگیركران کوردستانی

نوچەنێت:

به‌ڕێوه‌به‌رایه‌تى پۆلیسى پارێزگاى سلێمانى لە ڕاگەیێندراوێکدا دەڵێت، لەسەر شەڕەکەى شەوى ڕابردووى له‌گه‌ڕه‌كى كانى سپیكه‌ له‌شارى سلێمانى توانراوە نۆ کەس دەستگیربکرێ.

ئەمڕۆ دووشەممە (14/شوبات/2022)، پۆلیسى سلێمانى ڕاگەیاند، "شه‌وى ڕابردوو له‌گه‌ڕه‌كى كانى سپیكه‌ له‌شارى سلێمانى گرژى و ئاڵۆزى له‌ نێوان خاوه‌ن ماركێتێك و چه‌ند كه‌سێکدا دروستبو و به‌هۆیه‌وه‌ 4 كه‌س به‌چه‌قۆ بریندار بوون."

لە ڕاگەیێندراوەکەى پۆلیسى سلێمانى دا هاتووە، "ده‌ستبه‌جێ مه‌فره‌زه‌كانى پۆلیس گه‌یشتنه‌ شوێنى ڕوداوه‌كه‌و توانرا له‌لایه‌ن بنكه‌ى پۆلیسى هه‌وارى شار و به‌هاوكارى به‌شى پۆلیسى فریاكه‌وتن 8 تۆمه‌تبار لەو ڕووداوەدا ده‌ستگیربكرێت و ده‌ستیش بگیرێت به‌سه‌ر ئوتومبێلێک و، دوو چه‌ك له‌ جۆرى كڵاشینكۆف ، ده‌مانچه‌ و چه‌ند چه‌قۆیه‌كدا، دواتر له‌ لایه‌ن بنكه‌ى پۆلیسى هه‌وارى شاره‌وه‌ توانرا تۆمه‌تبارێكى دیکە له‌سه‌ر هەمان دۆسیه‌ ده‌ستگیربكرێت "

دەشڵێت، "له‌ئێستادا سه‌رجه‌م تۆمه‌تباران كه‌ ژماره‌یان نۆ كه‌سه‌، به‌بڕیارى دادوه‌ر ڕاگیراوان و لێكۆڵینه‌وه‌ له‌گه‌ڵیان به‌رده‌وامه‌ ."

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین