پۆلیسى سلێمانى لەسەر دزینى کەلوپەلى کشتوکاڵى سێ کەس دەستگیر دەکات کوردستانی

نوچەنێت:

بەڕێوەبەرایەتیى پۆلیسى سلێمانى بە تۆمەتى دزینى چەندین کەلوپەلى کشتوکاڵى، کە پێشتر پیشنەیان هەبووە، سێ کەس دەستگیر دەکات.

ئەمڕۆ شەممە (5/ئادار/2022)، پۆلیسى سلێمانى لە ڕاگەیێندراوێکدا دەڵێت، "مەفرەزەكانی بنكەی پۆلیسی پێنجوێنی سەر بەبەشی پۆلیسی پێنجوێن سێ‌ تۆمەتباریان دەستگیركرد كە هەستابوون بەدزینی كەل و پەل و بۆری ئاوی كشتوكاڵی."

پۆلیسى سلێمانى لە ڕاگەیێندراوەکەیدا ئاماژە بەوەدەکات، دواى سکاڵاى چەند هەوڵاتییەک لەسەر دزینى بۆڕى ئاوى کشتوکاڵى، پۆلیسی پێنجوێن لێكۆڵینەوەكانی دەستپێكردوو دوای وەرگرتنی زانیاری لەسەر تۆمەتباران "توانرا سێ‌ تۆمەتبار دەستگیربكرێن و دەستیش بگیرێت بەسەر ئۆتۆمبێلێك و ژمارەیەكی زۆر بۆری كشتوكاڵی كە بەتۆمەتباران بووە "

دەشڵێت، "لەئێستادا هەرسێ‌ تۆمەتبار (ب، ر، ف) تەمەن 23 ساڵ، ( ف، ج، ع) تەمەن 24 ساڵ، (ش، أ، ع) تەمەن 22 ساڵ، كە پێشینەی تاوانی دزییان هەیە بەبڕیاری دادوەر ڕاگیراون و لێكۆڵینەوە لەگەڵیان بەردەوامە و دانیان ناوە بەتاوانەكەیاند."

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین