پارێزگاى هەڵەبجە سبەى تەوەرى سەرەکى کۆبوونەوەى ئەنجوومەنى وەزیران دەبێت کوردستانی

نوچەنێت:

وتەبێژى حکوومەتى هەرێمى کوردستان ڕایدەگەیێنێت، سبەى ئەنجوومەنى وەزیران لە کۆبوونەوەى هەفتانەى خۆیدا چەند، "چەند بابەتێک تایبەت بە پارێزگای ‌‌هەڵەبجە تاوتوێ دەکات."

ئێوارەى ئەمڕۆ سێشەممە (15/ئادار/2022) د. جوتیار عادل، وتەبێژی حکوومەتی هەرێمی کوردستان ڕایگەیاند، "سبەى چوارشەممە (16)ـى  ئادارى (2022)، ئەنجومەنی وەزیرانی هەرێمی کوردستان کۆدەبێتەوە و چەند بابەتێک تایبەت بە پارێزگای ‌‌هەڵەبجە تاوتوێ دەکات."

د. جوتیار عادل زیاتر روونیدەکاتەوە، "خستنەڕووی چەند بابەتێکی تایبەت بە پارێزگای هەڵەبجە، لەپێناو پێشخستنی زیاتری ئاستی خزمەتگوزاری بۆ دانیشتووانی پارێزگاکە، یەکێک لە بڕگە سەرەکییەکانی کۆبوونەوەکەی ئەنجومەنی وەزیران دەبێت."

وتەبێژى حکوومەتى هەرێم سەبارەت بە کۆبوونەوەکەى سبەى دەشڵێت، گفتوگۆ لەبارەی چەند پرسێکی هەنووکەیی تایبەت بە دۆخی هەرێمی کوردستان و عێراق و ناوچەکە دەکرێن.

جێگەى ئاماژەپێدانە، سبەى ساڵیادى کیمیارانکردنى پارێزگاى هەڵەبجەیە، کە لەلایەن سوپاى ڕژێمى پێشووى عێراق بە بڕیارى سەددام حوسێن، ئەم شارە کیمیابارانکرا. 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین