ئەمڕۆ سێ هاووڵاتى لە چەمێکى سنوورى قەزاى ماوەت خنکان کوردستانی

نوچەنێت:

لە چەمی خەمەڵۆكەی سنوورى قەزاى ماوەت، سێ هاووڵاتى خنکان، قائیمقامی تا ئێستا تەرمى هیچ کامێکیان نەدۆزرایتەوە و سبەى دەست بەگەڕان دەکرێت بۆ دۆزینەوەیان.

ئەمڕۆ دووشەممە (21/ئادار/2022) کامەران حەسەن، قائیمقامی ماوەت بە کوردستان24ـی راگەیاند، سێ گەنج  لە  چەمی خەمەڵۆكەی ماوەتی سەر بە دەشتی تلێی ناوچەی شارباژێڕ دیار نەماون.

کامەران حەسەن زیاتر روونیدەکاتەوە، دوان لەو هاوڵاتییە خنکاوانە، جلەکانیان لە قەراغى چەمەکە بەجێماوە، پێدەچێت بۆ رزگارکردنی ئەو کەسەی دیکە رۆیشتبنە ناو ئاوەکە و تا ئیستاش گەڕان بەدوایاندا بەردەوامە.

قائیمقامی ماوەت نەیشاردەوە، بە هۆى سەختى شوێنەکە تیمەکانى بەرگرى شارستانى ئەمشەو دەستیان لە گەڕان و بەدواداچوون هەڵگرتووە، چاوەڕێى تیمێک دەکەن کە وا بڕیارە سبەی لە سلێمانی و دوکانەوە بێن بۆ ماوەت و بە دواى تەرمى ئەو سێ گەنجەدا بگەڕێن.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین