وەزارەتى شەهیدان: دەبێ حکوومەتى عێراقى بە ئەرکى یاسایى هەستێت بۆ قەرەبووکردنەوەى کەسوکارى ئەنفال
نوچەنێت:
بەبۆنەى (35) مین ساڵیادى کیمیابارانکردنى بالیسان و شێخ وەسانان و دۆڵى خۆشناوەتى، وەزارەتى شەهیدان و ئەنفالکراوەکان ڕاگەیێندراوێکى بڵاوکردەوە تیێدا هاتووە، "لە 16 ی نیسانی ساڵی 1987 دا رژێمى بەعسى ڕووخاو تاوانێکى ترى خستە سەر زنجیرە تاوانەکانی خۆی کە لە چوارچێوەى کۆمەڵکوژى و لە ناوبردنى گەلى کوردستان جێبەجێی دەکرد، لەو ڕۆژەدا رژێمى لە ناوچوو بەچەکى کیمیاوی قەدەغەکراوى نێو دەوڵەتی گوندى شێخ وەسانان و بالیسان و گوندەکانى دۆڵى خۆشناوەتى چەند جارێک بۆمباران کرد و لە ئەنجامدا چەندین شەهید و بریندارى لێکەوتەوە ،کە هەر ئەوکات ژمارەیەک لە بریندارەکان دوور لە هەموو بەها مرۆییەکان لەلایەن رژێمی بەعسەوە زیندە بەچاڵکران کە لە دواى ڕاپەرین و ئازادکردنى هەرێمى کوردستان رووفاتى ژمارەیەک لەو شەهیدانە لە گۆڕێکى بەکۆمەڵدا لە کارگەى قیرى هەولێر دۆزرانەوە و گەڕێندرانەوە زێدى باوک و باپیرانیان و بە ڕێز و شکۆ وە بەخاک سپێردرانەوە."
وەزارەتى شەهیدان و ئەنفالکراوان لە بەشێکى ترى ڕاگەیێندراوەکەى دەڵێت، "خەڵکى تێکۆشەری بالیسان و شێخ وەسانان و دۆڵی خۆشناوەتى، هەمیشە پشتیوان و پاڵپشتى شۆڕشەکانى گەلى کوردستان بوون و لەمێژووى کوردایەتیدا لاپەرەى ڕەنگینتان بەخوێن نەخشاندوە و بەرگرى و خۆڕاگریتان لەبەرانبەر مەترسیدارترین چەکى کۆکوژى کیمیاوى شکستى بە پلان و پیلانى دوژمنان هێنا و ئێوەش سەربەرزانە لە سەر خاکەکەى خۆتان مانەوە."
ئەوەش هاتووە، "لەکاتێکدا بەردەوامین لە خزمەتى زیاترى کەسوکارى سەربەرزى شەهیدان و ئەنفالکراوان و بەرکەوتووانى چەکى کیمیاوى و تاقانەکانى جینۆساید لەو سنوورە و هەموو کوردستان، لەهەمانکاتدا لە هەوڵداین بۆ ئەوەی حکومەتی عێراقی فیدڕاڵ لەچوارچێوەی ماددەی ۱۳۲ ی دەستووری هەمیشەیی عێراقدا به ئەرکی یاسایی و دەستووری خۆی هەستێ بۆ بە دیهێنانی دادپەروەری و قەرەبووکردنەوەی قوربانیانی ئەو کۆمەڵکوژییە."
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment