سەرۆک نێچیرڤان بارزانى بۆ ئیمانوێل ماکرۆن: هاوڕێ پیرۆزباییت لێدەکەم کوردستانی

نوچەنێت:

سەرۆک نێچیرڤان بارزانى، سەرۆکى هەرێمى کوردستان بە بۆنەى دووبارە هەڵبژاردنەوەى ئیمانوێل ماکرۆن بە سەرۆک کۆمارى فەرەنسا لە تویتێکدا پیرۆزبایى لێدەکات و دەشڵێت، چاومان لە بەردەوامبوونی کارکردن لە نزیک و کاری پێکەوەییە لەگەڵیدا.

ئێوارەى ئەمڕۆ یەکشەممە (24/نیسان/2022) ئمانوێل ماکرۆن توانى لە هەڵبژاردنى سەرۆک کۆمارى فەرەنسا بەسەر ڕکابەرەکەى مارین لوپێنی رکابەریدا سەرکەوێت و وەک سەرۆک کۆمارى ئەو وڵاتە هەڵبژێردرایەوە.

سەرۆک نێچیرڤان بارزانى لە هەژمارى خۆى لە تویتەر، پەیامێکى پیرۆزبایى بۆ ماکرۆن نووسیووە و تێیدا هاتووە، چاومان لە بەردەوامبوونی کارکردن لە نزیک و کاری پێکەوەییە لەگەڵیدا، لەپێناو پەرەپێدانی پەیوەندییەکانمان و چڕکردنەوەی هەوڵەکان بۆ ئاشتی لە ناوچەکە و سەقامگیری.

سەرۆکى هەرێمى کوردستان لە بەشێکى تویتەکەیدا دەشڵێت، پیرۆزبایی لە هاوڕێم ئیمانوێل ماکرۆن دەکەم بەبۆنەی دووبارە هەڵبژاردنەوەی وەکو سەرۆکی فەرەنسا.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین