کەشناسى: سبەى کاریگەرییەکانى ئەم خوڵبارینە کەم دەبێتەوە کوردستانی

نوچەنێت:

بەڕێوەبەرایەتیى گشتیى کەشناسى و بوومەلەزەزانى هەرێمى کوردستان، پێشبنییەکانى کەشوهەواى (48) کاتژمێرى داهاتووى بڵاوکردەوە و تێیدا هاتووە، خۆڵبارین لە شارەکانى هەرێمى کوردستان بەردەوام دەبێت و سبەى پێشبینى دەکرێت کۆتایى پێبێت.

ئەمڕۆ سێشەممە (24/ئایار/2022) بەڕێوەبەرایەتیى گشتیى کەشناسى و بوومەلەزەزانى هەرێم ڕایگەیاند، ئەمڕۆ ئاسمان تۆز و خۆڵ دەبێت لە کاتەکانی ئێوارەدا ئاستی خۆڵبارین کەمتر دەبێت.

کەشناسى هەرێم ئەوەشى خسۆتەڕوو، سبەى چوارشەممە ڕەوشى کەشوهەواى پارێزگاکانى هەرێمى کوردستان، ئاسمان ساماڵ دەبێت لەگەڵ درووستبونی تۆز و خۆلێکی سووک.

بەپێى پێشبنییەکانى کەشناسى، بە هۆى هاتنى ئەم شەپۆڵى خۆڵبارینەوە، پلەکانى گەرما بەرەو نزمى دەڕۆن.

بە هۆى هاتنى شەپۆڵێکى خۆڵبارین بۆ عێراق و هەرێمى کوردستان لە دوو ڕۆژى ڕابردوو، حکوومەتى عێراق دوێنێ لەسەرجەم فەرمانگەکانى حکوومەت پشووى فەرمى ڕاگەیاند و ئەمڕۆش پارێزگاى هەڵەبجە لە تەواوى دامودەزگا حکوومى پشووى ڕاگەیاند.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین