سەرۆک بارزانی لەگەڵ باڵیۆزی بەلجیکا لە عێراق کۆبووەوە کوردستانی

نوچەنێت:

سەرۆک بارزانى لە دیدارێکدا لەگەڵ باڵیۆزی بەلجیکا لە عێراق، ئاڵنگارى و کۆسپەکانی بەردەم پڕۆسەی سیاسی عێراق تاوتوێ دەکەن.

ئەمڕۆ سێشەممە (21/حوزەیران/2022) سەرۆک مەسعود بارزانی، لە سەلاحەدین پێشوازی لە فیلیپ ڤاندەن بولکە باڵیۆزی بەلجیکا لە عێراق کرد کە بەبۆنەی کۆتاییهاتنی بە ئەرکەکانی و ماڵئاوایی سەردانی سەرۆک بارزانی کردبوو.

بارەگاى بارزانى لە ڕاگەیێندراوێکدا دەڵێت،  "لە دیدارەکەدا بیروڕا لەبارەی دوایین پەرەسەندە سیاسییەکانی عێراق و کۆسپەکانی بەردەم پڕۆسەی سیاسی ئاڵوگۆڕ کرا."

بەپێى ڕاگەیێندراوەکە، "باڵیۆزی بەلجیکا وێڕای جەختکردنەوە لە فراوانکردنی پەیوەندییەکانی هەردوولا سوپاسی حکوومەتی هەرێم و گەلی کوردستانی کرد کە لە ڕۆژانی تەنگانەدا دەرگەیان بەسەر ئاوارە و لێقەوماواندا کردووەتەوە."

ئەوەش لە ڕاگەیێندراوەکەدا هاتووە، "بارودۆخی ڕۆژئاوای کوردستان و ڕێککەوتننامەی ئاساییکردنەوەی دۆخی شنگال تەوەرێکی تری ئەو دیدارە بوو."

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین