بافڵ تاڵەبانى بۆ کۆبوونەوە لەگەڵ سەرۆک بارزانى  گەیشتە پیرمام کوردستانی

نوچەنێت:

بافڵ تاڵەبانی، سەرۆکی یەکێتیى نیشتیمانیى كوردستان سەردانى سەرۆک مەسعود بارزانى دەکات و بەپێ زانیارییەکان دیاریکردنى بەرپژێرێک بۆ پۆستى سەرۆک کۆمارى عێراق تەوەرى سەرەکى کۆبوونەوەکەیان دەبێت.

ئەمڕۆ چوارشەممە (20/تەممووز/2022) بافڵ تاڵەبانی، سەرۆکی یەکێتیى نیشتیمانیى كوردستان گەیشتە پیرمام بۆ کۆبوونەوە لەگەڵ سەرۆک مەسعود بارزانى.

بەپێى ئەو زانیارییانەى سەرچاوەیەک بە کوردستان 24ى ڕاگەیاندووە، لە کۆبوونەوەکەى ئەمڕۆى سەرۆک بارزانی و بافڵ تاڵەبانی، گفتوگۆ لەبارەی پێکهێنانی کابینەی نوێی حکومەتی عێراق و کاندیدی پۆستی سەرۆک کۆماری عێراق دەکرێت.

لە کۆبوونەوەکەى ئەمڕۆى سەرۆک بارزانى و بافڵ تاڵەبانى، چاوەڕێ دەکرێت، پارتى و یەکێتى بگەنە ڕێککەوتن لەسەر پرسەکانى پیوەست بە پێکهێنانى حکومەتى نوێى عێراق بەتایبەتى کاندیدى پۆستى سەرۆک کۆمارى عێراق.

ئەم کۆبوونەوەیە لە کاتێکدایە، دوێنێ سێشەممە (19)ـى تەممووز، ڕاگەیێندرا، سبەى کۆبوونەوەى سەرۆک بارزانى و بافڵ تاڵەبانى لە بارەگاى بارزانى ئەنجام دەدرێت.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین