وەرگرتنى ڕێگەپێدان بۆ دروستکردنى خانوو لە (8)ـى حەسارۆکان دەستیپێکرد کوردستانی

نوچەنێت:

پارێزگاى هەولێر لە ڕاگەیێندراوێکدا دەڵێت، "بە فەرمانى سەرۆکى حکومەتى هەرێم بەگوژمەی نزیکەى (چوار ملیار و نیو دینار) دەست دەکرێت بەگەیاندنى خزمەتگوزارى بۆ کەرتى 8ى حەسارۆک."

ئەمڕۆ شەممە (30/تەممووز/2022) پارێزگاى هەولێر ڕایگەیاند، "بەگوژمەى نزیکەى چوار ملیار و نیو دینار، لەسەر داهاتى فرۆشتنى 100%ى زەویى، دواى جێبەجێکردنى دواین قۆناغی دانانی سەرەبلۆکەکانە لەم کەرتە، دەست دەکرێت بەکارەکانى پڕۆژەى بەشێک لە ئاو و ئاوەڕۆ و دروستکردنى شەقام بۆ کەرتى 8ى حەسارۆک بە گشت چیینەکانی."

هاوکات پارێزگاى هەولێر ئاماژە بەوەشدەکات، "ئەمڕۆ عەبدولواحید ئەحمەد، سەرۆکی شارەوانی هەولێر، لەگەڵ ژمارەیەک ئەندازیار، زەوییەکانی کەرتى 8ی حەسارۆکیان بەسەرکردەوە، مەبەست لەسەردانەکەشیاندا جێبەجێکردنى دواین قۆناغی دانانی سەرەبلۆکەکانە بوو لەم کەرتە.

بەپێى ڕاگەیێندراوەکە، "سەرۆکی شارەوانی هەولێر بەڕێوەبەرایەتى شارەوانی4ى ڕاسپارد، لەمەودوا لە تەواوی پانتایی زەوییەکانی کەرتى 8ی حەسارۆک ھاووڵاتیان دەتوانن رێگەپێدان بۆ دروستکردنی خانووە بەبێ هیچ کێشە و گرفتێک وەربگرن."

 

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین