له‌ گه‌ڕه‌كێكى هه‌ولێر ئۆتۆمبێلێك ته‌قییه‌وه‌ کوردستانی

نوچه‌نێت

له‌ گه‌ڕه‌كى 32ى پاركى هه‌ولێر نیوه‌ڕۆى ئه‌مڕۆ ئۆتۆمبیلێكى جۆرى لاندكرۆزه‌ر ته‌قیوه‌ته‌وه‌، به‌و هۆیه‌شه‌وه‌ كه‌سێك گیانى له‌ده‌ست داوه‌ و تا ئێستایش هۆكارى ته‌قینه‌وه‌كه‌ نه‌زانراوه‌.

ئه‌مڕۆ هه‌ینى حه‌وتى تشرینى یه‌كه‌مى 2022  ئۆتۆمبیلێكى جۆرى لاندكرۆزه‌ر له‌ گه‌ڕه‌كى 32ى پاركى شارى هه‌ولێر، ته‌قیوه‌ته‌وه‌. به‌گوێره‌ى ئه‌و زانیارییانه‌ى بڵاوكراونه‌ته‌وه‌، شۆفێرى ئۆتۆمبیله‌كه‌ گیانى له‌ده‌ست داوه‌، خێزانه‌كه‌یشى له‌گه‌ڵ بووه‌، ته‌نیا دوو كه‌س بریندارن.

ئومێد خۆشناو پارێزگارى هه‌ولێر له‌ لێدوانێكى رۆژنامه‌وانى راگه‌یاندووه‌، تا ئێستا دیار نییه‌ ته‌قینه‌وه‌ى ئۆتۆمبیله‌كه‌ به‌ هۆى سیسته‌مى گازى ئۆتۆمبیله‌كه‌ و سووته‌مه‌نى بووه‌، یاخود به‌ هۆكارى تر بووه‌.

ماڵپه‌ڕى كه‌ناڵى رووداو له‌سه‌ر ناسنامه‌ى شوفێره‌كه‌ كه‌ گیانى له‌ده‌ست داوه‌ نووسویه‌تى، ناوی (هاوکار عەبدوڵڵا رەسوول)ـە و تەمەنی 41 ساڵانە. پلەی عەقیدە لە دژەتیرۆی یەکێتی.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین