یەکێتى پیرۆزبایى سەرکەوتنى کۆنگرەى (14) لە پارتى دەکات کوردستانی

نوچەنێت:

مەکتەبی سیاسی یەکێتیی نیشتمانیی کوردستان لە پەیامێکدا پیرۆزبایى ئەنجامدانى کۆنگرەى (14) لە پارتى دیموکراتى کوردستان دەکات و دەڵێت، "ئومێدمان وایە  بڕیارەکانی کۆنگرە  بە قازانجی تەبایی  و حکومڕانییەکی باشتر بێت."

ئەمڕۆ دووشەممە (حەوتى/تشرینى دووەم/2022) مەکتەبی سیاسی یەکێتیی نیشتمانیی کوردستان لە پەیامێکدا دەڵێت، "پیرۆزبایی سەرکەوتنی کۆنگرەی چواردەمینی پارتەکەتان  و هەڵبژاردنی سەرکردایەتی نوێی پارتی دیموکراتی کوردستانتان لێ دەکەین."

مەکتەبی سیاسی یەکێتیی لە پەیامەکەیدا هیوا دەخوازێت ڕاسپاردەکانى کۆنگرەى (14)، "بە قازانجی سەرخستنی ئەزموونی گەلەکەمان و تەبایی و حکومڕانییەکی باشتر و شایانی هاووڵاتیانی کوردستان بوو بێت."

ئەم پەیامەى مەکتەبی سیاسی یەکێتیی نیشتمانیی کوردستان لە کاتێکدایە، ڕۆژى (3-11-2022) پارتى دیموکراتى کوردستان کۆنگرەى (14) لە پارێزى دهۆک ئەنجامدا.

 

دەقی پەیامەکەى مەکتەبی سیاسی یەکێتیی نیشتمانیی کوردستان:

بەڕێزان  کۆمیتەی ناوەندیی نوێی پارتی دیموکراتی کوردستان

پاش رێزو سڵاو

بەناوی یەکێتی نیشتمانیی کوردستانەوە پیرۆزبایی سەرکەوتنی کۆنگرەی چواردەمینی پارتەکەتان  و هەڵبژاردنی سەرکردایەتی نوێی پارتی دیموکراتی کوردستانتان لێ دەکەین .

ئومێدمان وایە  راسپاردەو بڕیارەکانی کۆنگرە  بە قازانجی سەرخستنی ئەزموونی گەلەکەمان و تەبایی  و حکومڕانییەکی باشتر و شایانی هاووڵاتیانی کوردستان بوو بێت .

مەکتەبی سیاسی یەکێتیی نیشتمانیی کوردستان

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین