ئیسرائیل و سعوودیە بۆ بەرەنگاربوونەی ئێران دانوستانی نهێنی ئەنجام دەدەن
نوچەنێت
ئاژانسی هەواڵی بلومبێرگ بڵاویکردەوە، حکومەتی نوێی ئیسرائیل دانوستانە نهێنییەکانی لەگەڵ سعودیە لە بواری پرسە ئەمنی و سەربازییەکان بە ئامانجی بەرەنگاربوونەوەی کۆماری ئیسلامی ئێران زیاتر کردووە.
رۆژی هەینی ١٧ی فێبریوەری بلومبێرگ بپێی سەرچاوەکانی بڵاویکردۆتەوە، کە ئیسرائیل و سعودیە نیگەرانی هاوبەشیان هەیە سەبارەت بە زیادبوونی هەڕەشەکانی کۆماری ئیسلامی ئێران لە ناوچەکەدا.
بەگوێرەی ئەو سەرچاوانە، دانوستانە نهێنییەکانی نێوان حکومەتی نوێی ئیسرائیل و شانشینی سعودیە بە نێوەندگیری ویلایەتە یەکگرتووەکانی ئەمریکا، بە ئامانجی پەرەپێدانی پەیوەندییە سەربازی و ئەمنییەکانی نێوان هەردوو وڵات بەڕێوەدەچێت.
سەرچاوەکان کە لەلایەن بلومبێرگەوە ناویان ئاشکرا نەکراوە، باس لەوە دەکەن، کە پێش کۆبوونەوەی ئەم دواییەی گروپی کاری ئەنجومەنی هاریکاری کەنداو و ئەمریکا، سەبارەت بە بەرگری و ئاسایش لە ریاز، چەندین کۆبوونەوەی نهێنی لە نێوان بەرپرسانی ئیسرائیل و سعودیە ئەنجام دراوە.
لە درێژەدا رایانگەیاندووە، کە چاوەڕوان دەکرێت لە رۆژانی داهاتوودا، هاوکات لەگەڵ کۆنفرانسی ئاسایشی میونشن کۆبوونەوە نهێنییەکانی نێوان ئیسرائیل و عەرەبستان، بە ئامانجی بەرەنگاربوونەوەی کۆماری ئیسلامی ئێران لە پراگ بەڕێوە بچێت.
هاوکات "تایمز ئیسرائیل" هەروەها لە راپۆرتێکدا سەبارەت بە دانوستانە نهێنییەکانی نێوان ئیسرائیل و سعودیە نووسیویەتی، تا ئەو کاتەی پێشکەوتنی بەرچاو لە پرۆسەی ئاشتی لەگەڵ فەلەستین بەدەست دێت، پێدەچێت هەردوو وڵات بگەنە رێککەوتنێکی تەواو.
پێشتریش لە کاردانەوەی واژۆکردنی رێککەوتننامەی ئیماراتی یەکگرتووی عەرەبی و ئیسرائیل، سعودیە ئاساییکردنەوەی پەیوەندییەکانی لەگەڵ ئەم وڵاتە مەرجدار کرد بە گەیشتن بە رێککەوتنی ئاشتی نێوان ئیسرائیل و فەلەستین.
سەرچاوە: ار.اف.ای
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment