سه‌رۆك نێچيرڤان بارزانى له‌گه‌ڵ شاندێكى يه‌كێتيى ئه‌ورووپا كۆبووه‌وه‌‏ کوردستانی

نوچەنێت:

سەرۆکى هەرێمى کوردستان لە کۆبوونەوەیەکدا لەگەڵ شاندێكى په‌رله‌مانى يه‌كێتيى ئه‌ورووپا، جەخت لە برەودان بە پەیوەندییەکانى هەرێمى کوردستان لەگەڵ وڵاتانى یەکێتیى ئەوروپا دەکاتەوە.

ئەمڕۆ چوارشەممە (هەشتى/ئادار/2023) سەرۆک نێچيرڤان بارزانى، سه‌رۆكى ‏هه‌رێمى كوردستان، پێشوازى له‌ شاندێكى په‌رله‌مانى يه‌كێتيى ئه‌ورووپا به‌ ‏سه‌رۆكايه‌تيى خاتوو سارا سكيتێدال كرد.‏

بەپێى ڕاگەیێندراوى سەرۆکایەتیى هەرێمى کوردستان، له‌ كۆبوونه‌وه‌يه‌كدا هه‌ردوولا بره‌ودان به‌ "په‌يوه‌ندييه‌كان و هاريكاريى په‌رله‌مانى ‏يه‌كێتيى ئه‌ورووپايان له‌گه‌ڵ په‌رله‌مانى هەرێمی كوردستان تاوتوێ كرد و ده‌رباره‌ى ‏په‌يوه‌ندييه‌كانى يه‌كێتيى ئه‌ورووپا له‌گه‌ڵ هه‌رێمى كوردستان"، بيروڕايان گۆڕيه‌وه‌.‏

شاندى يەکێتیى ئەوروپا، ستایشى خۆیان "بۆ ڕۆڵى پێشمه‌رگه‌ له‌ تێكشكاندنى داعش و ئارامى و ‏سه‌قامگيرى و پێشكه‌وتنه‌كانى هه‌رێمى كوردستان ده‌ربڕى"، هه‌روه‌ها دووپاتيان ‏كرده‌وه‌ كه‌ "به‌هێزيى هه‌رێمى كوردستان و عێراق، بۆ سه‌قامگيريى ناوچه‌كه‌ و ‏يه‌كێتيى ئه‌ورووپاش گرنگه‌. هه‌ر له‌مباره‌يه‌وه‌ جه‌ختيان له‌ پاراستنى ئاسايش و ‏ئارامى و سه‌روه‌ريى عێراق له‌ هه‌موو هه‌ڕه‌شه‌يه‌ك كرده‌وه‌.‏"

هەروەها سەرۆک نێچیرڤان بارزانى، "پێزانينى بۆ پشتگيرى و هاوكارييه‌كانى ‏يه‌كێتيى ئه‌ورووپا له‌ هه‌موو بواره‌كاندا بۆ عێراق و هه‌رێمى كوردستان ده‌ربڕى و ‏جه‌ختى له‌ خواستى هه‌رێمى كوردستان بۆ بره‌ودان به‌ په‌يوه‌ندييه‌كانى له‌گه‌ڵ ‏يه‌كێتيى ئه‌ورووپا و سوودوه‌رگرتن له‌و پسپۆڕييانه‌ى وڵاتانى يه‌كێتيى ئه‌ورووپا ‏كرده‌وه‌ كه‌ بۆ هه‌رێمى كوردستان پێويستن.‏"

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین