یەکێتی مامۆستایان بۆچوونی جیاوازی لەسەر دەوامی قوتابخانەکان هەیە
.jpg)
سیهام میران – تایبەت بە نوچەنێت
ئەمرۆ یەکشەممە ٢٨ی ئادار، مامۆستا عەتا ئەحمەد جێگیری سەرۆکی یەکێتی مامۆستایان لە لێدوانێکی بۆ ماڵپەری رووداو، رەخنەی توند لە بڕیاری دەوامنەکردنی قوتابخانەکان دەگرێت و دەڵێت "تێبینی زۆرمان هەیە و تووشی شۆکی کردووین" داواش دەکات وەزارەتی پەروەردە لە بڕیارەکەی پەشیمان بێتەوە چونکە، "بڕیارەکە زیانێکی زۆر بە ئاستی زانستی خوێندکاران دەگەیەنێت لە ئایندەدا باجەکەی دەدەن"، عه‌تا ئه‌حمه‌د دەشڵێت "ئەوانەی لەپشت بڕیارەکەن مەیدانی نیین و ئاگایان لە بارودۆخەکە نییە".
کەچی بە پێچەوانەی مامۆستا ئەحمەد گەرمیانی، سەرۆكی یەکێتی مامۆستایان پێیوایە بڕیارەکە لە بەرژەوەندی خەڵک دراوە و لە لێدوانێکی تایبەت به نوچه‌نێت ئه‌حمه‌د گه‌رمیانى دەڵێت، "سەبارەت بە داخستنی قوتابخانە بڕیارێکە سیاسی وعاتفی نییە ئەمە ژیانی خەڵکە. لەدوای ئەوە هاتووە کە باس لە خوێندن کراوە لەگەڵ وەزارەتی تەندروستیدا. بەڵام دەرگاکانیش بە تەواوی دانەخراون و جارێك تاکو ئەنجامدانی تاقیکردنەوەکان وا دەبێت. لەپاشان کار بەوە دەکرێت کە بارودۆخەکە چۆنە تاکو رێکاری تەندروستی توند بگرنەبەر بۆئەوەی قوتابخانەکان بکرێنەوە و کەمترین تووشبوو لەناو ناوەندەکانی خوێندن هەبێت"
سەبارەت بە رەخنەکانی مامۆستا عەتا ئەحمەدیش، ئەحمەد گەرمیانی بە نوچەنێتی راگەیاند، "مامۆستا عەتا تەنیا بە بۆچوونی خۆی قسە دەکات، ئەوە بۆچوونی سکرتاریەت نییە. ئێمە رێکخراوێکی پیشەیین بە کەسێك و دووکەس ناکرێت ئەمە ژیانی خەڵکە، من ژیانی خەڵك ناخەمە مەترسیەوە، ئێمە وەك سکرتاریەت تاکو ئێستا کۆنەبووینەوە ئەوە تەنیا بۆچوونى کەسیی خۆیەتی وه‌ك مامۆستا عەتا ئەحمەد".
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment