سەرۆك نێچیرڤان بارزانی و باڵیۆزی ئەمریكا لە عێراق كۆبوونەوە
نوچه‌نێت
سەرۆكایەتی هەرێمی كوردستان راگەیێندراوێكی لەسەر كۆبوونەوەكە بڵاوكردووەتەوە ئەمە دەقەكەیەتی:
پاشنیوه‌ڕۆی ئه‌مڕۆ دووشه‌ممه 2023/9/11 به‌ڕێز نێچیرڤان بارزانی، سه‌رۆكی هه‌رێمی كوردستان، پێشوازی له خاتوو ئالینا ڕۆمانۆوسكی، باڵیۆزی ئه‌مه‌ریكا له عێراق و شاندیكی یاوه‌ری كرد.
له كۆبوونه‌وه‌یه‌كدا ده‌رباره‌ی په‌یوه‌ندییه‌كانی ئه‌مه‌ریكا له‌گه‌ڵ عێراق و هه‌رێمی كوردستان، گفتوگۆی چاره‌سه‌ركردنی كێشه‌كانی هه‌ولێر ـ به‌غدا به‌تایبه‌تی پرسی بودجه و مووچه‌ی مووچه‌خۆرانی هه‌رێمی كوردستان و دۆخی عێراق و هه‌رێمی كوردستان، بیروڕایان گۆڕییه‌وه.
هه‌ردوولا جه‌ختیان له گرنگیی گفتوگۆیه‌كی بنیاتنه‌رانه له‌نێوان حكوومه‌تی فیدراڵی عێراق و حكوومه‌تی هه‌رێمی كوردستاندا كرده‌وه بۆ لێكگه‌یشتنی هاوبه‌ش و چاره‌سه‌ركردنی كێشه‌كانی نێوانیان، به شێوه‌یه‌ك مافه ده‌ستوورییه‌كانی هه‌مووان ده‌سته‌به‌ر بكات و ئارامی و سه‌قامگیریی سیاسیی وڵات بپارێزێت.
سه‌رۆك نێچیرڤان بارزانی داكۆكی له گرنگیی جێبه‌جێكردنی سیستمی فیدراڵی له عێراق كرده‌وه وه‌ك له ده‌ستووردا هاتووه، هه‌روه‌ها ئاماژه‌ی به‌وه كرد كه ده‌بێ وه‌ك هه‌رێمێكی فیدراڵی مامه‌ڵه له‌گه‌ڵ هه‌رێمی كوردستاندا بكرێت و به‌رده‌وامیی كێشه و ناكۆكی له‌نێوان حكوومه‌تی فیدراڵیی عێراق و حكوومه‌تی هه‌رێمی كوردستاندا، له به‌رژه‌وه‌ندیی وڵاتدا نییه.
هه‌ردوولا هاوڕا بوون له‌سه‌ر گرنگیی چاره‌سه‌كردنی كێشه‌كان و دابینكردنی شایسته دارایییه‌كانی هه‌رێمی كوردستان به‌پێی یاسا و ڕێككه‌وتنه‌كان، هه‌روه‌ها جه‌ختیان له ته‌بایی و یه‌كڕیزیی نێوان لایه‌نه سیاسییه‌كانی هه‌رێمی كوردستان، به‌تایبه‌تی پارتی دیموكراتی كوردستان و یه‌كێتیی نیشتمانیی كوردستان كرده‌وه.
ده‌رفه‌ته‌كانی سه‌رمایه‌گوزاری و وه‌به‌رهێنانی بیانی و ناوخۆیی و به‌هێزكردنی كه‌رتی تایبه‌ت له عێراق و هه‌رێمی كوردستان، دۆخی ئێزدییان و گرنگیی جێبه‌جێكردنی ڕێككه‌وتنی حكوومه‌تی هه‌رێمی كوردستان و حكوومه‌تی فیدراڵیی عێراق بۆ ئاساییكردنه‌وه‌ی دۆخی شه‌نگال و پێشهاته‌كانی ناوچه‌كه به‌گشتی، ته‌وه‌رێكی دیكه‌ی كۆبوونه‌وه‌كه بوو.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment