سهرۆكى ههرێمى كوردستان لهگهڵ باڵیۆزى بهلجیكا لە عێراق و ئوردن كۆبووهوه
نوچەنێت:
ڕۆژى چوارشەممە (18/تشرینى یەکەم/2023) سەرۆک نێچیرڤان بارزانى، سهرۆكى ههرێمى كوردستان، پێشوازى له بهڕێز سێرج دیكشن باڵیۆزى بهلجیكا له عێراق و ئوردن كرد.
سەبارەت بە ناوەڕۆکى کۆبوونەوەکە، سەرۆکایەتیى هەرێمى کوردستان لە ڕاگەیێندراوێکدا دەڵێت، "پهیوهندییهكانى بهلژیكا لهگهڵ عێراق و ههرێمى كوردستان، پهیوهندییهكانى ههولێر بهغدا و گفتوگۆى چارهسهركردنى كێشهكانیان، گرنگیى شیاندنهوهى ڕفێنراوانى ئێزدیى ڕزگاربووى دهستى داعش، دۆخى سیاسیى عێراق و ههڵبژاردنهكانى عێراق و ههرێمى كوردستانیان، تاوتوێ كرد."
سهرۆك نێچیرڤان بارزانى سوپاس و پێزانینى ههرێمى كوردستانى بۆ "بهشداریى بهلجیكا له هاوپهیمانیى نێودهوڵهتیى دژى داعش و هاوكارییهكانى بۆ عێراق و ههرێمى كوردستان دهربڕى، ههروهها ههردوولا خواستى دوولایهنهیان بۆ برهودان به پهیوهندییهكان و فراوانكردنى هاریكاریى هاوبهشى نێوانیان له ههموو بوارهكاندا دووپات كردهوه."
لە ڕاگەیێندراوێکدا هاتووە، ههردوولا هاوڕا بوون لهسهر "گرنگیى جێبهجێكردنى دروستى سیستهمى فیدراڵى له عێراق و كارى پێكهوهیى بۆ پاراستنى ئارامى و سهقامگیرى له عێراق و ناوچهكه، ههروهها بهڕێز باڵیۆزى بهلژیكا سوپاس و پێزانینى وڵاتهكهى بۆ ڕۆڵى ههرێمى كوردستان له تێكشكاندنى داعش و بهرهنگاربوونهوهى تیرۆر دووپات كردهوه."
ڕاگەیێندراوەکەى سەرۆکایەتیى هەرێم دەشڵێت، له تهوهرێكى دیكهى كۆبوونهوهكهدا دهربارهى دوایین پێشهاتهكانى ناوچهكه بهگشتى، بیرورایان گۆڕییهوه.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment