سه‌رۆك نێچیرڤان بارزانى پێشوازى له‌ هه‌ڵسووڕێنه‌رى باڵیۆزخانه‌ى ئه‌مه‌ریكا كرد‌ کوردستانی

نوچەنێت:

هه‌ڵسووڕێنه‌رى كاروبارى باڵیۆزخانه‌ى ئه‌مه‌ریكا له‌ عێراق سەردانى سەرۆکى هەرێمى کوردستانى کرد و هەردوولا لە جەخت لە ڕۆڵى گرنگى هێزەکانى هاوپەیمانان لە پاراستنى سەقامیگریی عێراق دەکەنەوە.

نیوه‌ڕۆى ئه‌مڕۆ چوارشه‌ممه (14/شوبات/2024)‌ سەرۆک نێچیرڤان بارزانى، سه‌رۆكى هه‌رێمى كوردستان له‌ هه‌ولێر له‌گه‌ڵ‌ ده‌یڤد بێرگه‌ر هه‌ڵسووڕێنه‌رى كاروبارى باڵیۆزخانه‌ى ئه‌مه‌ریكا له‌ عێراق كۆبووه‌وه‌.

ڕاگەیێندراوى سەرۆکایەتیى هەرێمى کوردستان دەڵێت، له‌ كۆبوونه‌وه‌كه‌دا "په‌یوه‌ندییه‌كانى ئه‌مه‌ریكا له‌گه‌ڵ عێراق و هه‌رێمى كوردستان، كێشه‌كانى هه‌ولێر ـ به‌غدا و گفتوگۆى چاره‌سه‌ركردنیان، ڕۆڵ و پێگه‌ى عێراق له‌ ناوچه‌كه‌ و له‌سه‌ر ئاستى نێوده‌وڵه‌تى، به‌ئامانجگرتنى هێزه‌كانى هاوپه‌یمانان له‌ عێراق و دۆخى هه‌رێمى كوردستان، تاوتوێ كران."

ڕاگەیێندراوەکە دەشڵت، هه‌ردوولا ده‌رباره‌ى "دۆخى ئه‌منى له‌ عێراق و ناوچه‌كه‌ و ڕۆڵى هێزه‌كانى هاوپه‌یمانان، بیروڕایان ئاڵوگۆڕ كرد و جه‌ختیان له‌ گرنگیى پاراستنى ئارامى و سه‌قامگیرى له‌ عێراق و ناوچه‌كه‌ كرده‌وه، هه‌روه‌ها چه‌ند پرسێكى دیكه‌ى ‌جێى بایه‌خى هاوبه‌شیان، باس كرد."

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین