سه‌رۆك نێچیرڤان بارزانى پیرۆزباییى سه‌ركه‌وتنى کۆنفرانسی یەکڕیزی و یەکهەڵوێستیی کورد ده‌كات کوردستانی

نوچە نێت

سەرۆکی هەرێمی کوردستان پیرۆزباییى سه‌ركه‌وتنى كۆنفرانسی یەکڕیزی و یەکهەڵوێستیی کورد ده‌كات و دەڵێت، "ستایش و ده‌ستخۆشى بۆ به‌ڕێز مه‌زلووم عه‌بدى و ENKS و هه‌موو ئه‌و خوشك و برایانه‌ى كاریان بۆ ئه‌نجامدانى کۆنفرانسی یەکڕیزی و یەکهەڵوێستیی کورد له‌ سووریا کرد".

ڕۆژی شەممە (26/نیسان/2025) سەرۆکایەتیی هەرێمی کوردستان بڵاویکردەوە، سەرۆک نێچیرڤان بارزانی، سەرۆکی هەرێمی کوردستان  پەیامێکی بڵاوکردەوە و ڕایدەگەیێنێت، "هه‌موو پشتگیرى و هاوكارییه‌كمان بۆ ئه‌و هه‌وڵه دڵسۆزانه‌ و بۆ مافه‌ ڕه‌واكانى كورد و هه‌موو پێكهاته‌كان، هه‌روه‌ها بۆ ئارامى و سه‌قامگیرى و ئاشتى له‌ سووریا و ناوچه‌كه‌ دووپات ده‌كه‌ینه‌وه".

 

دەقی پەیامەكەی سەرۆک نێچیرڤان بارزانی، سەرۆکی هەرێمی کوردستان:

ستایش و ده‌ستخۆشى بۆ به‌ڕێز مه‌زلووم عه‌بدى و ENKS و هه‌موو ئه‌و خوشك و برایانه‌ى كاریان بۆ ئه‌نجامدانى کۆنفرانسی یەکڕیزی و یەکهەڵوێستیی کورد له‌ سووریا، کرد. پیرۆزباییى سه‌ركه‌وتنى كۆنفرانسه‌كه له‌ هه‌مووان ده‌كه‌م كه‌ مایه‌ى خۆشحاڵییه‌كى زۆره‌ و دڵى گه‌لى كوردستانى له‌ هه‌موو شوێنێك خۆش كرد.

هیوادارم ببێته‌ هۆى پته‌وكردنى یەکڕیزی و یەکهەڵوێستیی کورد كه‌ تاقه‌ ڕێگه‌ى مسۆگه‌ركردنى مافه‌كانى كورده‌ له‌ سووریا. هه‌موو پشتگیرى و هاوكارییه‌كمان بۆ ئه‌و هه‌وڵه دڵسۆزانه‌ و بۆ مافه‌ ڕه‌واكانى كورد و هه‌موو پێكهاته‌كان، هه‌روه‌ها بۆ ئارامى و سه‌قامگیرى و ئاشتى له‌ سووریا و ناوچه‌كه‌ دووپات ده‌كه‌ینه‌وه.

 

نێچیرڤان بارزانى

سه‌رۆكى هه‌رێمى كوردستان

2025/4/26

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین